BuddyLove ta anuncia salida di Buleria y lo ta moviendo pa Icons

Posted on 08/28/2024 9:44 am AST | Updated on 08/28/2024 9:45 am AST

\ORANJESTAD – Diaranson mainta e mundo di farandula a keda ‘sorprendi’ cu un carta di e cantante Jair “BuddyLove” Vesprey, di su salida di e banda Buleria. “Cu un mezcla di tristesa y gratitud, ami, BuddyLove, kier anuncia mi decision pa laga e grupo musical Buleria Official”, e carta ta cuminsa. E ta splica cu “despues di seis (6) aña formando parti di e famia musical aki, creando cancionnan inolvidabel y memorianan inigualabel, mi ta cla pa cera e capitulo importante aki den mi bida, cu bista riba mi desaroyo personal y profesional”.

SALIDA NA MEI

Tabata na mei cu tabatin rumornan cu e lo a keda saca di e banda debi na un ausencia cu no tabatin splicacion. Despues a bin un clarificacion cu tur cos tabata ‘ok’ entre BuddyLove y e banda y cu BuddyLove no a wordo retira y cu e ta den e banda keto bay.

OTRO BANDA

E salida di awe si tabata oficial y mesora tambe a nota e reaccion di awor ex coleganan di Buleria manera Rocco Franken y MaryAnn Rodriguez cu bunita palabra di despedida pa nan colega. E intencion, segun Noticiacla a compronde, ta pa BuddyLove forma parti di e organisacion Icons, cu ta di conocido relevo di pitcheo pa Boston Red Sox Kenley Jansen.  

 

  • Powered by SETAR