Arends: Mientras un grupo di taxista ta bandona sala, e ta sigui reuni cu asociacion di taxista oficial

ORANJESTAD – Mientras cu tin un parti di grupo di taxista cu a bandona sala y a kies pa hiba e dialogo den media, e mandatario responsabel pa transporte Ursell Arends a informa diahuebs mainta cu e ta sigui na mesa cu e unico asociacion di taxista oficial cu a trece proposicionnan valido. E ta referi tambe na e di tres dialogo cu e representantenan di taxi central cu a tuma lugar ayera. Segun e mandatario, abogado di Taxi Central a duna un ultimatum: si e decreto ministerial no wordo revoca nan ta bandona sala, cual minister a bolbe ripiti cu mane a wordo acorda den dialogo anterior cu no lo revoca e MB's. Un parti di grupo a bandona sala y a kies pa hiba e dialogo den media. 

SINTA NA MESA 

Mientras esey ta pasando nos a continua sinta na mesa cu e unico asociacion di taxista oficial cu a trece proposicionnan valido cu lo nos considera den e MB cu ta aclaria e ehecucion di maneho di transporte publico. “Nos ta gradici e profesionalismo di e asociacion y abogado Canwood pa a dialoga pa yega na solucionnan” e mandatario a bisa. Awe e ta den Parlamento riba e tema den un reunion di comision central pa informa riba e situacion.