Mayoria scol na Aruba a cuminsa nan aña escolar nobo awe!

ORANJESTAD – Mayoria di scol na Aruba a habri nan aña escolar awe, mientras cu otronan ta habri mas laat den siman. E ta semper un momento emocionante pa tanto alumno como mayor, sigur si ta trata di un alumno cu ta bay scol pa prome biaha. Asina mes, cada aña ta un aña emocional pa e yiu y mayor, ora cu e alumno cuminsa un otro aña escolar nobo, cu tur reto nan dilanti. 

PAPIAMENTO

E aña aki e lo ta mas special pa scolnan primario unda cu na mayoria, ta inicia cu lesnan den Papiamento como idioma di instruccion. Esaki lo ta algo nobo, y tempo lo bisa con esaki a resulta pa tanto alumno como docente. Noticiacla ta desea tur alumno y docente y mayornan exito cu e dia di awe!. NOTA: Potretnan ubica ta cu permiso di e respectivo mayornan.