Riesgo di ‘mega temblor’ a pasa, pero awor horcan ta asercando Hapon

TOKIO - E advertencia pa un ‘mega temblor’ no ta na vigor mas na Hapon. E advertencia ey a wordo emiti siman pasa despues di un temblor di magnitud 7.1. E servicio meteorologico Hapones no tin miedo mas cu e temblor lo conduci na temblornan mas violento a corto plazo, aunke esey lo por sosode despues. Mientras tanto, un otro menasa ta acercando tera: un horcan ta acercando oost y noordoost di Hapon.

Habitantenan a bolbe wòrdo adverti pa motibo di horcan Ampil. Autoridadnan ta urgi “precaucion extremo” ya cu e tifon por yega costa mañan.

Segun e emisora ​​publico NHK, hende a wordo advertí di bientonan fuerte suficiente pa supla casnan abou. E servicio meteorologico tambe ta advertí di awasero pisa, loke ta aumenta e riesgo di calamidad. Tambe nan ta anticipa olanan halto, inundacion i derumbe di tera.