Prome Minister di Thailandia Srettha a keda retira for di funcion

BANGKOK - E prome minister di Tailandia, Srettha Thavisin, a wordo retira for di oficina pa Corte Supremo. Corte a dicta cu Srettha a viola e constitucion door di nombra un ex preso como minister.

E minister nombra a wordo sospecha di soborno como abogado na 2008. Esey nunca a wordo proba, pero el a wordo teni brevemente pa desprecio di corte den e caso ey.

Srettha ya ta e di cuater prome ministro den dieseis aña cu a wordo destitui pa corte. No ta completamente cla kico exactamente ta pasando tras di cortina. BBC ta señala cu den pasado ministernan tabata permiti pa keda den funcion cu condena mas serio tras di nan nomber.

E agencia di noticia AP y BBC ta skirbi cu e iniciativa contra Srettha ta bin di ex miembronan di e Senado controla pa militarnan, cu tin hopi influencia riba e corte. Un partido polítiko denter di e coalishon cu ta cerca di e militarnan lo benefcia specialmente di esaki.