ATA agradecido pa trabou colectivo haci durante conflicto cu grupo di taxista

ORANJESTAD - Oficina di Turismo di Aruba, Aruba Tourism Authority (A.T.A.) a bisa diaranson cu nan ta sumamente gradici p’e trabounan adicional colectivo haci entre y cu e organismo gubernamental y e socionan local e ultimo dos dianan di accion di un grupo di taxi. A haci e trabounan aki den e ultimo setentidos (72) ora.

COMPLEXIDAD 

“A.T.A. ta reconoce e complexidad di e situacion. Mientrastanto ta warda cu tur partido por yega na un acuerdo mutuo mas pronto posibel, y mester tene e importancia di nos pilar economico presente” e compania a bisa tambe.

“Turismo ta e unico pilar economico y di bienestar pa Aruba. A.T.A su prioridad ta pa semper sirbi e interes general di nos comunidad y di e bishitantenan. E enfoke riba esaki a bin ta desenboca caba den diferente paso, tanto local como internacional di parti A.T.A.

E meta principal cu ta keda cu ne ta sigui brinda e hospitalidad, cordialidad y e experencia cu Aruba ta asina conoci p’e”. E compania ta bisa finalmente.