Presidente Maduro a pidi TSJ pa certifica e resultadonan di eleccion presidencial di diadomingo

CARACAS - Presidente di Republica, Nicolas Maduro, a pidi Camara Electoral diCorte Supremo di Husticia (TSJ) pa certifica, aplicando proceduranan legal, e resultadonan di e dia di eleccion di 28 di juli 2024.

Despues di a introduci un apelacion electoral contencioso, el a bisa cu el a pidi pa yama e autoridadnan enbolbí, tur e candidatonan pa e eleccion, incluyendo e, y e 38 organisacionnan político cu a participa.

Den e sentido ey, el a informa cu e Gran Polo Patriotico ta cla pa presenta 100% di e procesverbaalnan cu nan tin den nan poder.

E apelashon ta pa TSJ “dedica su mes na resolve e atake contra e proceso electoral y intento di golpi di estado usando e proceso electoral, y pa TSJ aclaraá tur loke mester wordo aclara dilanti di e atake criminal sin precedente aki, ” el a expresa e Presidente den declaracionnan na prensa.

E mandatario a ratifica su confiansa den e Podernan Publico, den e Constitucion yden e leynan di Republica como instrumentonan clave cu ta stipula e caminda pa sigui pa aclara e controversia induci pa un sector extremista cu, ora e mira su mes derota y purba ignora e institucionnan , a activa un excalacion violento cu gruponan criminal.

“E ta e atake mas criminal cu nos a mira desde 2017 y no pa motibo di su violencia, pero pa motibo cu e sector aki a busca criminalnan pa ataca hende, hospital, cas, centronan di salud y electoral, pa menasa miles di Venezolano”

E hefe di estado a señala e candidato di derecha Edmundo González y  su mentor, e descualifica Maria Machado: “Nan sa cu nan ta bai wordo derota.”

Diamars ultimo, den un reunion conhunto di Conseho di Estado y Conseho di Defensa, Maduro a denuncia cu González y Machado a instrumentalisa e eleccionnan di 28J pa activa un plan insurreccional cu a envolvi, durante lunanan largo, e asina yama “comanditos”, celnan terorista integra. Segun Maduro, door di criminalnan comun cu a purba sembra teror den e poblacion.

Segun Maduro, e gruponan di shock aki a ataca y kima edificionan publico, herida hende y acusa otronan di ta Chavista, actonan cu ta cay bao di crimennan di odio.