- Minister Hulandes di Husticia van Weel a bishita wardanan di polis na Aruba awe
- Van Haasen(PVV): Bergonsoso cu na Corsou, partido lidera pa hende cera den prizon, ta bay eleccion
- Veldkamp: Hulanda lo actua contra Venezuela despues di expulsion di diplomaticonan
- Feco Gomez(AMAK): Arubianonan ta participa atrobe den festival di Tumba di Corsou
- Zoetrum (CTB): Corsou tin un sin fin di actividad pa Arubianonan den 2025
Atvertencia pa posibel tormenta tropical rumbo pa St. Maarten
PHILIPSBURG - Hefe di kuerpo di bombero i alabes kordinadó di e ofisina di kalamidat, Clive Richardson ta hasi un yamada riba siudadanonan di St. Maarten pa nan keda alerta i sigui notisia di servisio meteorológiko relashoná ku un sistema di tempu ku ta na kaminda pa Karibe. Ta pronostiká ku e sistema aki lo desaroyá i bira un tormento ku lo karga e nòmber Debby.
Segun e pronóstikonan di servisio meteorológiko di St. Maarten kondishonnan ta faborabel pa e sistema aki desaroyá su mes. National Hurricane Center tambe ta sigui e sistema ku ainda ta riba oséano Atlántiko i ta dun’é 50 porshento chèns pa desaroyá i bira mas intensivo.
Un atvertensia ta bai prinsipalmente pa yobida fuerte ku e sistema aki por trese kuné. Pa e motibu aki e ofisina di kalamidat ta hasi un apelashon riba tur siudadano pa chèk si nan a tuma tur medida di prekoushon manera prepará nan pakete di emergensia ku tur hende mester tin na òrdu for di momento ku temporada di orkan a kuminsá.
Den e pakete aki mester tin entre otro kuminda (di bleki) i awa (den bòter) pa dura por lo mínimo 7 dia. Ta hasi un apelashon riba tur hende ku no a prepará nan pakete ainda pa no warda te na último momento pa hasi esaki.
Tambe ta urgi tur hende pa lesa i pone nan mes na haltura di tur e kódigo di atvertensia ku tin. Mester sa por ehèmpel e diferensia entre un “watch” i un “warning” i ta konsiente ku un tormenta no mester yega forsa di orkan pa e por tin konsekuensia fatal.
Un “tropical storm watch” ta nifiká ku por spera kondishonnan di un tormenta tropikal den 48 ora i ta enserá bientunan di entre 39 pa 73 mia pa ora. Un “tropical storm warning” ta nifiká ku por spera e kondishonnan di un tormenta yega den 36 ora.
E nòmbernan di tormenta ku a sobra pa e temporada aktual di orkan ta: Debby, Ernesto, Francine, Gordon, Helene, Isaac, Joyce, Kirk, Leslie, Milton, Nadine, Oscar, Patty, Rafael, Sara, Tony, Valerie i William. NOTA: Texto ta scirbi den Papiamento fonetico di Corsou.
Empresario di supermercado Gerard Van Den Tweel a fayece
WILLEMSTAD – Awe mainta, djamars 14 di januari 2025, Gerard van den Tweel (81) a fayece na Hulanda. Riba Islanan ABC e tabata mas conoci como empresario di supermercado.
A haya curpa sin bida riba boto cu a sali for di Venezuela pa Aruba
CARACAS - Riba e atardi di diasabra 11 di januari, un grupo di piscador a haya un boto na drief ta emiti un holo fuerte riba e beachnan di Manzanillo, na Providencia Venezuela. E incidente aki ta recorda un caso similar cu a tuma luga dia 17 di januari 2023, ora cu a haña un curpa riba un boto cu a sali for di Venezuela rumbo pa Aruba. Segun informe actual, a haya un curpa descompuesto durante un inspeccion di e boto, loke a pone cu autoridadnan a intensifica nan buskeda pa e boto y aclarea e circunstancianan di e descubrimento tragico aki.
Nicolas Maduro di Venezuela a huramenta pa di tres periodo presidencial
CARACAS - Nicolas Maduro di Venezuela a huramenta pa un di tres periodo presidencial apesar di e protestanan di e movemento di oposishon di e pais. E ceremonia a tuma lugá diabierne den un sala chikito di e Asamblea Nashonal, un diferensia marca for di e ceremonianan anterior cu a tuma luga den e sala principal di e edificio.
Venezuela ta anuncia ceramento di frontera cu Colombia den estado Táchira
CARACAS - Venezuela ta anuncia ceramento di frontera cu Colombia den estado Tachira pa motibo di ‘conspiracion internacional’ Gobernador di e estado Venezolano di Táchira a anuncia cu e frontera Colombiano-Venezolano lo ta cera entrante diabierna awor, 10 di januari pa 5 a.m. (ora di Venezuela) te dialuna proximo, dia 13 di januari na mesun ora.
Biden a sigura sosten na Edmundo González Urrutia cu e ta considera presidente di Venezuela
WASHINGTON Presidente Joseph R. Biden, Jr. a ricibi loke nan ta considera e presidente elegi di Venezuela, Edmundo González Urrutia, na Cas Blanco pa discuti esfuersonan conhunto pa restaura democracia na Venezuela. Presidente Biden a destaca cu henter mundo tabata inspira pa e miyones di Venezolanonan cu, cu curashi, a vota na fabor di cambio democratico den e eleccionan presidencial cu a tuma luga dia 28 di juli na Venezuela y segun e presidente Mericano, a presenta fayonan profundo, manera demostra door di e registronan di conteo recohe for di cual ta parse cu González Urrutia lo a ricibi e cantidad di voto mas grandi pa un diferencia insuperable. Ambos lider a bai di akuerdo cu no tin nada mas fundamental pa e exito di democrasia cu respeta e boluntad di e pueblo, expresa pa medio di un proseso elektoral transparente i responsabel, y cu e victoria di González Urrutia den e campaña electoral mester wordo respeta pa medio di un transferencia pacífico cu ta restora democratico pidi. Ambos lider tambe a expresa nan preocupacion profundo pa loke nan ta considera e uso indiscrimina y inaceptabel di actonan di represion di parti di Nicolás Maduro y su representantenan contra manifestantenan pacifico, activistanan di democracia y sociedad civil. Presidente Biden a señalá cu e lo vigila di acerca e protestanan programa pa dia 9 di januari na Venezuela y a enfatisa cu e venezolanonan mester wordo permití pa expresa nan opinionnan politico pacíficamente sin miedo di represaya di e forsanan policial y militar. Presidente Biden a ripití su sosten pa e aspirashonnan democratico di Venezuela y a enfatisa e compromiso di Merca pa sigui defende pa Maduro y su representantenan wordo tene responsabel pa nan accionnan no democrático y represivo, incluyendo traha estrechamente cu aliadonan democrático den e hemisferio y den e resto di mundo.
Comerciantenan di La Vela de Coro lo impulsa exportacion pa Islanan ABC
CORO - Juan Gotopo, vice presidente di Camara di Comercio y Turismo di La Vela de Coro den e estado di Falcón, a declara cu productonan manera keshi geel Hulandes, salchicha, galiña milanesa y gelatina cu ta wordo produci, riba tur cos, na Aruba, ta yega Venezuela for di Corsou .
Follow NoticiaCla
