Decenas di miles ta asisti na Carnaval di Zomer di Rotterdam

ROTTERDAM - E Carnaval di Zomer na Rotterdam a tuma luga den un bon ambiente, segun e organisadonan y e polisnan. Decenas di miles di hende a sigui e parada di caya den centro di ciudad, cu Reina Larisa y Rey Gillian na cabes di e flota. Un vocero di Rotterdam Unlimited, e organisador di e evento, a mira atras riba un “edicion fantastico”, cu tambe tabata danki na e bon tempo. “Tabata un fiesta grandi tur caminda den e stad. Nada negativo, djis hendenan contento.” E polisnan tambe a keda satisfecho: “E ta dushi, e ambiente ta bon”, segun un vocero. Lo no tin un programa di anochi riba e Coolsingel e aña aki, pero lo tene varios fiesta den henter e stad despues di e parada di caya.

TIROTEO

Aña pasá, e Carnaval di Zomer a keda daña pa varios tiroteo y hinkamento. Como resultado a dicidí di move e evento pa e orarionan di anochi. E conseho di stad no tabata kier un fiesta grandi y habrí mas sin control di admishon. Varios club a sigui organisa fiestanan.

Pa anochi trempan, polis a hasi ocho detenshon diasabra: dos pa bringamento, e otronan pa otro disturbionan di ordo publico. E bosero policial a confirma cu esaki tabata un kantidad abou compara cu dianan normal di fin di siman.

DI 40 BIAHA

E carnaval a tuma luga pa di 40 biaha e aña aki. E punto culminante aki di e evento tambe ta riba e lista di herencia cultural inmaterial di UNESCO for di e aña aki. Segun e vocero di e organisacion, algun grupo a bin ta tumando parti henter e tempo.

E popular Carnaval di Zomer na Rotterdam ta enfoca riba trece diferente cultura hunto pa medio di expreshonnan di carnaval tropical similar na esnan di Antia. E prome edicionnan di e Carnaval a tuma luga na Utrecht na 1982 i 1983, caminda varios asosiacion di carnaval Antiano di Rotterdam, Utrecht, y Amsterdam a tene un parada riba e Jaarbeursplein. Desde 1984, e colorido Carnaval di Zomer ta wordo teni na Rotterdam