Casi dos siman despues cu ex minister Benny Sevinger a haya un aumento di castigo di prizon di 36 luna riba e loke e la haya den corte di prome instancia pa e caso penal Avestruz, lider di e partido AVP Mike Eman ta keto keto riba e tema. Si despues di e prome sentencia, Eman a haci declaracionan euforico dilanti cas di partido riba e mesun dia no obstante e hecho cu Sevinger a haya un sentencia di 6 luna di prizon, e biaha aki Eman a opta pa no aparece den publico y duna su reaccion. Ni por escrito, ni den persona, Eman no a reacciona. Ni como lider partido, ni como partido, ni como amigo. Nada nada. Un silencio hermetico, cu -compara cu biaha pasa-, ta manda un mensahe fuerte afo: Partido no sa cu cua cara pa bin afo y defende Sevinger e biaha aki. Por lo menos, asina e ta ‘mustra’.
AUMENTO DI CASTIGO
E motibo di e ‘desaparicion’ y ‘silencio’ di Eman y e falta di un reaccion riba e sentencia di e lider politico, ta topico di dia e dianan aki, mirando cu esaki ta mustra como si fuera cu e publicamente por lo menos, tanto Eman como e partido a laga Sevinger cay e biaha aki. Esaki pasobra no uno sino 3 huez a cambia e sentencia y a mustra cu Sevinger a actua ilegal, y tabata merece un castigo mucho mas severo cu e la haya den e prome caso. Partido di coalicion MEP di otro banda, no sa mas con nan ‘smeer’ e ausencia di Mike Eman den cara di e partido berde, y cu varios articulo, tambe ta ‘cuestiona e silencio’ di e lider di partido berde. E partido heel no a perde pa gana, y no ta falta palo pa bati e partido berde e dianan aki.
CON PARTIDO POR DEFENDE ESAKIE pensamento di e ausencia y silencio di Eman, ta entre otro cu e biaha aki dificilmente e partido por ‘papia bon’ di e caso aki manera nan a haci abundantemente biaha pasa, y sigui defende Sevinger publicamente manera cu a haci e prome biaha. E ultimo biaha nan a te hasta cherche di e sentencia, indicando cu ‘apenas’ Sevinger a haya un sentencia, pa ‘scapa cara’ di Ministerio Publico. E biaha ajki, Sevinger so a sali afo mesora y bisa cu e ta bay apela e sentencia, y tilda e hueznan y Ministerio Publico di corupcion. Y esey tabata e unico comentario tambe cu a tende di e banda ey. Pero di parti di e partido mes, e silencio ta sigui di un forma absoluto.
KICO AWOR
Sevinger tabatin intencion di no subi lista den e proximo eleccion, pero despues a dicidi cu e ta sinti cu e tin cu bay un biaha mas. E sentencia aki, sinembargo por cambia e pensamento aki mirando cu e sentencia aki ta mucho mas pisa. Pa ley, Sevinger por sigui funciona den Parlamento, pasobra e sentencia ultimo no tabata irrevocable. Y Sevinger a bisa den pasado caba cu e no ta retira, pasobra pueblo a pone eyden, y a vota pe te hasta ora cu e tabata deteni den prearesto durante e ultimo eleccion. Como tal e ta bisa cu ta pueblo a manda señal cu nan ta cu ne aunke cu e tabata un sospechoso. E biaha aki, sinembargo tin dos sentencia contra dje, y cu ta pone cu awor e tin cu pensa bon si e ta bay eleccion. Pero, tanten cu no tin sentencia den casacion, e por sigui den politica. Y manera cos ta mustra, pa ora cu tin e proximo eleccion, no lo tin sentencia di casacion ainda.
BOB MELENDEZ
Recientemente un senador Mericano a keda sentencia pa corupcion, esta Bob Melendez, cu despues a dicidi cu e ta retira, pasobra e la keda oficialmente sentencia. No a papia ainda di apelacion, pero asina mes, e la tuma honor na su mes, y a dicidi di retira. Aki na Aruba, cos ta diferente. Tempo lo mustra kico ta pasa. Y mientrastanto, falta dos dia pa partidonan den e caso aki, apela e sentenciadi Sevinger y otro sospechosonan.
ORANJESTAD – Un dia despues di a bishita Aruba, e barco crucero Rotterdam di Holland America Line, a raporta un brote di malesa gastrointestinal riba su nabegacion actual cu mas cu 100 pasahero malu abordo. Di acuerdo cu e Centronan pa Control y Prevencion di Malesa (CDC), Rotterdam di Holland America Line tin 107 invitado malo abordo di su biahe actual cu a sali dia 2 di februari 2025. Segun informe, 12 miembro di tripulacion tambe ta malo.
BOGOTA – Un grupo di ciudadano Colombiano a keda deteni pa agentenan di imigracion.Esaki segun e portal pluralidadz.com. Segun e relato, no ta specifica mucho si di ki tempo esaki a sosode ni cu cuanto hende. Solamente cu un grupo di agente di biahe Colombiano a raporta di ta victima di trato inhusto y arbitrario di autoridadnan di inmigracion di Aruba. Loke ta hala atencion, ta cu e accion aki a logra hala atencion di medionan Colombiano, poniendo un tinte negativo riba nos servicio di imigracion.
ORANJESTAD - Diaranson 13 di Februari 2025, Wikipedia riba Aruba lo lansa oficialmente cu un evento di apertura na Biblioteca Nacional Aruba. E proyecto aki, cu ta dura 18 luna, tin como meta pa educa e comunidad local riba e poder di Wikipedia, forma un comunidad activo pa comparti conocemento, y mustra e herencia rico di Aruba riba un plataforma global.