Director di Servicio Secreto riba atake riba Trump: ‘Nos a fracasa’

WASHINGTON - “E mission principal di e Servicio Secreto ta pa proteha e lidernan di nos nacion. Dia 13 di juli, nos a fracasa.” Esaki ta declara pa Kimberly Cheatle, directora di Servicio Secreto Americano, cu ta responsabel pa e seguridad di ex Presidente Trump. Cheatle a testifica awe dilanti di e Comishon di Supervision di e Camara tocante e intento fracasa di asesinato riba Trump.

E atake a tuma luga durante un manifestacion di campaña di Trump na Butler, Pennsylvania. Thomas Matthew Crooks di 20 aña a habri candela for di un dak enfrente di e escenario unda e ex mandatario tabata duna un discurso. Trump a herida su orea, un hende den e publico a muri, y dos otro a keda gravemente herida.

Desde e atake, preguntanan a crece tocante con Crooks por a subi riba e dak y losvarios tiro. Republicanonan prominente mesora a pidi renuncia di director di servisio sekreto Cheatle. Mike Johnson, Presidente di Camara di Representantenan, y Senador Mitch McConnell, entre otro, a exigi su salida. Pero Cheatle ta bisa cu e kier keda den su puesto. E kier ta mas transparente posibel tocante e investigashonnan riba loke a pasa, el a bisa den e interogacion awe.

Na cuminsamento di e audiencia, Cheatle a tuma responsabilidad completo pa e curso di e susesonan.

El a yama e intento fracasa riba Trump “e fracaso operacional mas grandi di Servisio Secreto den decadanan”