- Delegacion di Moody's na Aruba pa evalua rating financiero
- Segun minister Wever, CAft ta duna conseho positivo riba presupuesto 2025
- Wever: Gasolin y Diesel lo baha di prijs 1 di mei
- Iberostar Beachfront Resorts a presenta su Shoco Boulevard
- Deportista Arubiana cu a keda paralisa despues di accidente na Merca, buscando fondo pa yuda cu gasto
Frederick Nuboer ta candidato pa bira interim director na Arubus
ORANJESTAD – Un dia despues cu Noticiacla a publica cu e director di Arubus, Mohamed a bay cas per direct, e mandatario a confirma cu nan candidato (esta di gobierno:red) ta enberdad sr Frederick Nuboer. “ Frederick Nuboer ta un proposicion pa ta interim directeur” e mandatario a bisa, pero mesora su tras tambe, cu “ ningun decision riba su nombracion a wordo tuma si”. Pa loke ta sr Nuboer mes, e tambe a confirma na e portal aki di e proceso.” Mi a wordo puntra, pero na momento aki esey no ta e caso” e la bisa e portal aki. Tambe e la confirma cu e peticion tabata pa ta ‘interim’ director.
E SITUACION
Manera cu Noticiacla a publica un dia prome, dialuna atardi, minister Arends ta considera cu Arubus ta bancarota, y cu a manda e director actual Edwin Mohamed cas ‘per direct’. Segun e mandatario, efectivo inmediato, Sr. Edwin Mohamed lo separa su cargo como Director di Arubus N.V. Aruba. “Desafortunadamente mester remarca cu ta pa politica Arubus ta para unda cu e ta awe. Un compania cu ta bancarota segun, no solamente Gobierno di Aruba, pero Algemene Rekenkamer, CAft y Price Waterhouse Cooper” Arends ta sigui bisa.
“ Pa es motibo mester tuma e decision clave na e momento crucial aki di restructura e compania pa asina pon’e ariba caminda di recuperacion real”. Raad van commissarissen a ricibi un carta di Gobierno di Aruba pidiendo un reorganisacion completo cu e participacion di e trahadonan.
E la bisa cu su ministerio ta extende su mas profundo aprecio na Sr. Edwin Mohamed pa su añanan di servicio y su contribucion na Arubus N.V. Aruba. “E reorganisacion aki ta esencial pa futuro di Arubus N.V. Aruba, y Gobierno di Aruba lo sigui mantene e comunidad informa di cualkier desaroyo adicional”.
Delegacion di Moody's na Aruba pa evalua rating financiero
ORANJESTAD – Un delegacion di e agencia di ratings Mericano Moody's na Aruba pa evalua rating financiero di e isla. Agencianan di rating ta instancianan independiente cu ta analisa e capacidad di un pais (of empresa) pa paga su obligacionnan financiero. Nan ta evalua riesgo financiero, stabilidad economico y maneho fiscal.
Segun minister Wever, CAft ta duna conseho positivo riba presupuesto 2025
ORANJESTAD – Minister di Finansa Geoffrey Wever, diamars atardi a informa cu CAft a duna un conseho positivo riba e presupuesto 2025, aproba unanimamente pa Parlamento riba 28 di maart 2025. E conseho di CAft ta confirma e direccion financiero prudente di Gabinete AVP-Futuro y alabes efectivo pa yuda cu poder di compra na Aruba. Mester bisa si cu ainda CAFt mes no a publica e conseho riba su portal pa por verifica esaki.
Wever: Gasolin y Diesel lo baha di prijs 1 di mei
ORANJESTAD – Ministerio di Finansa y Asunto Economico, a traves di Departamento di Asunto Economico, ta anuncia e prijs di gasolin y diesel cu lo tuma efecto entrante 1 di mei 2025.
DIMP a contesta De Meza dialuna pero abogado no ta duna comentario mas
ORANJESTAD – Departamento di impuesto (DIMP) a cumpli cu e demanda di parlamentario Mike de Meza pa manda un carta positive p’e. Kico e contenido ta, no ta conoci pa noticiacla ya cu e abogado a opta awor pa no duna mas comentario. “Sorry, awe si ta no comments” e abogado Desiree Croes a reacciona pa Noticiacla dialuna atardi despues di cu e deadline a vence. Inicialmente a informa cu lo a bay entama un caso sumario awe diamars of mas tarda diaranson. Sinembargo, algun rato despues, cos a cambia, ora cu a bira conoci cu ‘toch’ un reaccion a drenta di parti di DIMP. Pero ora cu a puntra kico ta bay sosode awor, cu e contesta a drenta, e abogado a opta pa no duna mas comentario. Pues no ta sigur kico e contesta tabata.
Gabinete AVP-FUTURO a pidi Szabó reconsidera decision pa aumenta tasa di interes
ORANJESTAD – Gabinete AVP-FUTURO a pidi secretario di estado hulandes Szabó pa reconsidera su decision pa aumenta e tasa di interes pa e pago di debe di Covid. Specificamente ta sugeri pa aplasa e tempo cu 6 siman, den cual partidonan lo mester keda cla pa entrega e concepto di e rijkswet nobo pa supervision financiero.
Raportahe fotografico di e bishita di Eerste y Tweede Kamer na Conseho di Minister di Aruba
ORANJESTAD – Manera cu Noticiacla a raporta anteriormente caba, awe mainta e delegacion di tanto Eerste como Tweede Kamer di Hulanda a bishita Conseho di Minister. Esaki ta mas di raportahe grafico di e bishita.
Follow NoticiaCla
