Pier nobo di Schiphol ta cla añanan despues y 800 miyon mas caro

SCHIPHOL - Schiphol su A-pier nobo (jetbridge) lo wordo pone den uso na april 2027. Esei ta mas o menos ocho aña mas laat cu e plannan original. E retraso tambe ta hasi e pier considerablemente mas caro. Schiphol awor ta antisipa cu e expancion lo costa casi 1.4 biyon euro, mas cu dos biaha mas tanto cu a calcula anteriormente. Den un calculacion di gasto anterior na 2021, Schiphol a asumi 1.1 biyon euro. Esey ya caba tabata un suma hopi mas halto cu e 600 miyon presupuesta originalmente pa Pier A. Awor e aeropuerto ta reconoce cu e construccion “tabata leu di ta suave”.

SCHIPHOL A WORDO ACUSA

Director ehecutivo Sybren Hahn ta atribui esaki parcialmente na e companianan di construccion cu anteriormente lo a ehecuta e trabou, esta Ballast Nedam y TAV. Schiphol a kita e companianan for di e proyecto despues cu e gastunan y e tempodi entrega a aumenta. Na december, e constructornan a demanda Schiphol pa esaki. E aeropuerto ta declara cu tabatin hopi defecto den e trabaonan finalisa pa Ballast Nedam y TAV. Mester coregi e erornan aki, cual, segun Schiphol, ta encera gastonan adicional.

PERIODONAN DI PUNTA

Un pier di aeropuerto ta e luga caminda biaheronan ta subi i baha avion. Segun Schiphol, ta importante pa expande cu un pier nobo pa permiti pasaheronan flui mas lihe durante periodonan piek, manera e vakantie di zomer. Aeropuerto ta bisa cu awor a haci “planificacion hopi preciso” cu e compania di construccion BAM, cu lo completa e pier. Pier A lo ta 55.000 meter cuadra di tamaño y lo contene ocho porta, di cual tres ta destina pa e avionnan mas grandi. E pier mester ta cla pa fin di 2026. Den e siguiente lunanan, e sistemanan nobo lo wordo getest y e personal lo wordo entrena.