Aruba, Bonaire y Corsou ainda ta propaganda como islanan ‘safe’ contra horcan y tormenta

MIAMI/ORANJESTAD – Mientras cu Aruba ta vigilando un ola tropical cu por desaroya den un tormenta y pasa hopi cerca di dje pa weekend aki, portalnan internacional ta sigui propaganda nos isla como un destinacion ‘safe’ di horcan. Fuera di Aruba, Corsou y Bonaire tambe ta wordo menciona como un destinacion safe pa horcan. Segun e articulo, e tres islanan ta ‘bou di e faha di horcan proviendo asina un experiencia tropical cu poco risico’. E meta di e articulo ta pa trankilisa biaheronan den e temporada super ocupa di horcan e aña aki.