- Tierra del Sol Golf Course a habri atrobe despues di 13 luna di renovacion
- Ministernan ta evalua si ta intensifica combatimento di droga den region
- MEP: Placa cu Hulanda ta duna pa energia, no ta nobo sino compromiso haci di 2023
- Corsou tambe ta ricibi 125 miyon florin di Hulanda pa drecha su red di corriente
- Si seleccion di Hulanda gana Polonia diabierna, e ta clasifica pa mundial
NOS: Secretario di estado nobo pa asuntonan di Reino ta Zsolt Szabo
DEN HAAG – E Secretario di estado nobo pa asuntonan di Reino ta conoci! Ta trata di e miembro di VVD, Zsolt Szabo (62). Asina e porta di notiicia Hulandes NOS ta raporta awe mainta. Mester bisa cu mas medio Hulandes tambe ta raportando esaki. Actualmente e ta vice presidente di un compania grandi di IT, Capgemini. E tin rais Hungaro, cu ta interesante tambe. Casa di Geert Wilders ta di Hungria tambe, y ta Wilders ta esun cu a asigne pa e funcion aki.
EXPERTISIO
Su expertisio sinembargo ta digitalisacion y no asuntonan di Reino. E ta e presidente di e fundacion cu ta maneha e registro Hulandes Bel-me-niet, y ta vice presidente di ECP, e Plataforma pa e Sociedad di informacion. Pues no ta straño cu e ta haya e cartera di digitalisacion.
PARLAMENTARIO
Como parlamentario, e tabata miembro di Tweede Kamer pa e partido VVD entre 2003 y 2006.
Si seleccion di Hulanda gana Polonia diabierna, e ta clasifica pa mundial
AMSTERDAM - E periodo internacional aki por keda desisivo pa Oranje: clasificacion pa e Campeonato Mundial di 2026 den Merca, Canada y Mexico. Un victoria diabierna contra Polonia den Warschau ta basta pa un ticket pa Copa Mundial.
Yiu di Corsou femenino a fayece despues di tragedia di tiro na Hulanda
ROTTERDAM – Un muhe di 24 aña di origen Corsou for di Oss a muri despues cu e la wordo tira den anochi di diasabra pa diamingo na Kralingseplein den Rotterdam. Asina polis ta informa. Un homber di 28 aña for di Nijmegen a wordo deteni. Un tercer sospechoso ta ainda fugitivo. Segun medio regional, e muhe tabata sinta den un Suzuki blanco ora cu poco prome di dos or di madruga a tira. Servicio di emergencia a reanima e muhe na luga mes y a hiba e den condicion critico na hospital, unda despues e la muri.
Heera Dijk (D66) ta logra mas di 6 mil voto pa eleccion Tweede Kamer na Hulanda
DEN HAAG – E candidato politico hulandes cu lazo Antiano, Heera Dijkstra a logra un total di 6.352 voto riba su nomber. “Ki number! Esaki ta realmente fantastico” Heera ta bisa riba su pagina personal di Facebook. Di e suma menciona, 1014 ta di su ciudad natal Delft. “ Mi yamada tabata: “Delft, laga mi tende di bosnan!” Y bosnan a tende, y di manera grandi tambe. Masha danki pa bo voto y danki di curazon pa tur e mensahenan dushi. Nan a toca mi, nan ta dunami forsa y energia” Heera a sigui bisa. E ta conciente cu tanto voto pa nan partido D66 ta yega un gran responsabilidad.
Kiesraad di Hulanda a confirma diabierna: Partido D66 ta e mas grandi cu 29.668 voto mas cu PVV
DEN HAAG - D66 a gana e eleccion pa Tweede Kamer na Hulanda cu 29.668 voto mas cu PVV. E Kiesraad a anuncia esaki durante un sesion publico den Tweede Kamer. E diferencia final entre e number 1 y number 2 ta mas di mil voto mas grandi cu e cantidad cu e servicio electoral di ANP tabata spera. Esey no tin efecto riba e reparticion di zetel. Tur dos partido mas grandi ta ricibi 26 zetel. Despues ta sigui VVD cu 22 zetel, GroenLinks-PvdA cu 20 zetel y CDA cu 18 zetel. Cinco muher a keda eligi pa Tweede Kamer manera tabata spera, cu voto di preferencia.
Ajax a despedi entrenador su John Heitinga despues di mal cuminsamento di temporada
AMSTERDAM – E seleccion di futbol profesional hulandes Ajax a despedi John Heitinga y a pone dje na non-activo inmediatamente. E club ta busca un nobo entrenador principal despues di un mal cuminsamento di temporada. Tambe e contrato di e asistente entrenador Marcel Keizer a wordo termina. AJAX, banda di Feyenoord, ta un di e clubnan mas popular tambe na Aruba y ta hopi sigui.
Heera Dijk scohi como vocero nobo pa Relacionnan di Reino pa partido D66
DEN HAAG – E fraccion nobo di D66 a eligi Heera Dijk como vocero pa Relacionnan di Reino. “Un regalo di cumpleaños”, paso awe e ta celebra su 46 aña di edad. Noticiacla recientemente a entrevista Dijk den e edicion special di Noticiacla LIVE.
Follow NoticiaCla
