A logra acuerdo riba puestonan di minister y candidatonan pa gabinete nobo Hulandes

DEN HAAG – Lider di partido PVV Geert Wilders diamars a confirma cu su partido y demas partidonan   VVD, NSC y BBB a yega na un acuerdo pa loke ta e puestonan di minister y candidatonan cu ta coresponde esaki. “Nos a sali afo y e resto boso lo tende despues. Nos ta hopi contento y tin un deal” Wilders a laga sa. E nombernan sinembargo ainda no ta conoci. Otro lidernan tambe a mustra nan aprobacion. E intencion ta pa mitar di e ministernan ta a-politico y e resto politico. Tur candidato ta of a wordo gescreend. Ta premira cu pa fin di e luna aki, e gabinete ta cla y por aparece riba Bordes cu Rey Willem-Alexander. Durante e zomer, e grupo di minister ta bay traha riba un acuerdo di gobernacion real, completo cu e elaboracion detaya di e acuerdo di coalicion riba e puntonan principal di e partidonan PVV, VVD, NSC en BBB.