E siman aki a organisa Landsrecherchedagen riba Aruba pa Landsrecherche di Aruba, Corsou, St Maarten y Hulanda

E siman aki a organisa Landsrecherchedagen riba Aruba pa Landsrecherche di Aruba, Corsou, St Maarten y Hulanda

Posted on 06/3/2024 3:43 pm AST | Updated on 06/3/2024 3:44 pm AST

ORANJESTAD - E siman aki e asina yama “Landsrecherchedagen” a tuma lugar na Aruba. Esey den presencia di hefenan y miembronan di Landsrecherchenan di Aruba, Curaçao y St. Maarten y di Rijksrecherche di Hulanda y di islanan BES. Alavez tabata presente procurador-general di Aruba señora Flanegin y PG di Curaçao, St. Maarten y BES señor Schoop, como tambe señor Schram na nomber di Colegio di procuradornan-general na Hulanda, y nan beleidsmedewerkers.   

E Landsrecherchedagen ta un reunion di Landsrecherche di Aruba, Curaçao y St. Maarten y di Rijksrecherche pa network. Miembronan di OM Aruba y OM Carib (Curaçao, Sint Maarten y Bonaire, Saba y Sint Eustatius) a participa. E reunionnan tabata constructivo y e partnernan cu tabata presente a hiba combersacionnan fructifero. A traha particularmente na e bestuurlijke aanpak y raportahe cu enfoke riba cooperacion integral. Temanan tabata entre otro, e consecuencianan di corupcion pa organizacionnan y departamentonan y e acercamento penal, administrativo y preventivo di esaki, e ambtenaar integro y e confianza cu e ciudadano mester tin den integridad di gobierno 

Na final di e dianan exitoso aki a palabra pa sigui traha hunto pa garantiza e integridad y fiabilidad di gobierno di e paisnan den Reino.

  • Casonan di Corte den Prome Instancia na Aruba a aumenta den 2023

    Casonan di Corte den Prome Instancia na Aruba a aumenta den 2023

    ORANJESTAD - Den aña 2023, e cantidad di caso den prome instancia na Aruba a aumenta un poco compara cu e dos añanan anterior. Esaki segun e cifranan presenta diabierna pa Corte durante nan presentacion di cifranan annual pa 2023.  E entrada no ta na nivelnan pre-Covid (2018-2019) ainda, pero e cantidadnan di entrada for di Derecho Civil (4%) y Penal (5%) a aumenta na 2023. E total di casonan di Ley Administrativo a baha cu 28% despues di un aumento enorme den e ultimo añanan. E bahada aki ta atribuibel principalmente na e afluencia di casonan di impuesto.

  • Hof a absolve cuater sospechoso completamente di nan castigonan den caso Avestruz awe

    Hof a absolve cuater sospechoso completamente di nan castigonan den caso Avestruz awe

    ORANJESTAD – Den Corte di apelacion pa loke ta e caso penal Avestruz, cuater sospechoso, Nuñez, Werleman, Mansur y Harms a tende cu nan a keda completamente absolve di e loke tabata acusa nan di dje. E cargonan contra nan, no tabata sea suficiente pa condena, of no a proba suficiente cu a comete algo ilegal of inusual. Esaki pasobra e situacion ta poni cu den comparacion cu otro situacion y caso, tambe no ta actua contra esaki. Pa e sospechosonan en cuestion, sigur esaki ta bin como un alivio, mirando cu por lo menos dos di nan, Werleman y Nuñez, a keda sentencia na un castido di prizon di 2 aña di cual un aña condicional y un multa di 25 mil florin. Harms, a keda condena na 80 ora di trabou comunitario y un multa di 50 mil florin. Tur esaki Hof a bari for di mesa. Mientras cu pa e grupo aki, e ta bon noticia, nan tin cu warda 2 siman pa wak si Ministerio Publico ta bay apela e sentencianan aki. Si esaki no sosode, e sentencia ta bira definitivo. Pa e sentencianan respectivo, click riba e famnan di e sospechoso MANSUR, HARMS, WERLEMAN, NUÑEZ

  • Hof a aumenta castigo di prizon di sospechoso Sussebeek den caso Avestruz

    Hof a aumenta castigo di prizon di sospechoso Sussebeek den caso Avestruz

    ORANJESTAD – Un di e personanan den caso penal Avestruz, considera como un di e sospechosonan principal, P. Sussebeek a tende Hof diabierna merdia aumenta su castigo di prizon cu por lo menos 8 luna. Hof a bisa cu e comerciante di 65 aña a wordo condena na 30 luna di prison, di cual 10 ta condicional, pa soborna e minister di e tempo ey door di paga pa hekwerk, paisahe y ekipo di gym. Corte no ta kere cu ta minister mes a paga e sumanan aki na e comerciante, pasobra e sospechosonan a duna splicacion hopi diferente riba esaki. E benta di e compania di e empresario, cu a obene un derecho di opcion riba un tereno di dominio pa medio di e soborno aki, a genera mas cu 1.3 miyon dollar. E montante ei lo wòrdu elimina. E castigo ta wordo reduci cu e tempo cu e la sinta den aresto preventivo. Pa e sentencia, click AKI

  • Hof a mantene sentencia den Caso Avestruz contra sospechoso Arends, pero a elimina e multa

    Hof a mantene sentencia den Caso Avestruz contra sospechoso Arends, pero a elimina e multa

    ORANJESTAD – Corte di apelacion (Hof) diabierna a mantene e sentencia anterior di Corte di prome instancia contra sospechoso L. Arends, dictando 24 luna di castigo di prizon, di cual 12 ta condicional cu un tempo di prueba di 3 aña. E diferencia ta cu Hof no a haya necesario pa duna Arends un multa (di 50 mil florin) manera cu a keda sentencia den Corte di prome instancia. Segun Hof, Arends di 67 aña a wordo condena pa defrauda e pais. Corte ta considera proba cu e (hunto cu Sevinger) a conspirapa adkeri derechonan di huur atraves di e companianan di e dama, mientras cu no tabatin intencion pa desaroya e tereno en cuestion nan mes. Door di pone e companianan aki - como un casca bashi - entre e minister como opcion y dunado di huur y e desaroyadornan real di e terenonan, e desaroyadornan aki mester a paga montantenan considerablemente mas halto kcu lo tabata e caso sin e intervencion di e companianan akii. Segun Hoif, Arends tambe a soborna e minister door di pag’e for di e ganashi di benta di un di su companianan, y e minister a acepta e pago aki. Ambos tambe ta condena pa esaki segun Hof.

  • Hof a aumenta castigo di prizon pa ex minister Sevinger cu 36 luna den caso Avestruz!

    Hof a aumenta castigo di prizon pa ex minister Sevinger cu 36 luna den caso Avestruz!

    ORANJESTAD – Awe merdia ex minister Benny Sevinger a tende Hof aumenta su castigo di prizon anterior den caso penal Avestruz cu no menos cu 36 luna. Contrario na Corte di prome instancia, Hof si a haya proba cu Sevinger a abusa di su confiansa y a laga su mes wordo cumpra, door di por lo menos dos sospechoso, esta L. Arends y P. Sussebeek. Den e sentencia anterior, huez a ‘solamente’ haya Sevinger culpable di a abusa di su fundacion door di usa fondo di esaki. E biaha aki Hof a wak e acusacionan diferente y como tal a aumenta e castigo severamente ‘pa manda un mensahe serio’ cu esaki no por.  E ex-minister ta wordo condena mas aleu pa acepta e hekwerk, irigacion di cura, y gym di e empresario. E ex minister finalmente ta wordo condena pa malversa un suma di mas di Afl 11.000 for di e Fundacion cu a recauda y maneha e fondonan pa su eleccionnan. E placa aki a wordo gasta na un biahe priva pa su casa. E minister ta keda absolvi di un otro sospecho di fraude y di dos otro sospecho di soborno. E ex-minister a wordo condena na 48 luna di prison (36 luna extra) , di cual 12 ta condicional, cu un tempo di prueba di tres aña. Tampoco e no mag di wordo eligi of traha como ambtenaar pa cinco aña.

  • Sentencia completo di Corte Supremo riba habrimento matrimonio mesun sexo pa Aruba

    Sentencia completo di Corte Supremo riba habrimento matrimonio mesun sexo pa Aruba

    DEN HAAG - E dos decisionnan di Corte Conhunto di Husticia di Aruba, Curaçao, Sint Maarten y di Bonaire, Sint Eustatius y Saba di 6 di december 2022, pa habri matrimonio cu personanan di e mesun sexo na Aruba y Curaçao, por wordo sosteni. Corte Supremo a dicta esaki awe mainta ora di Aruba. 

  • Powered by SETAR