- Trump: Merca a realisa atakenan riba tres compleho nuclear na Iran
- Botica di Servicio ta Conoce Su Prome “Streya di Botica”
- Arubahuis a despedi di ex minister plenipotenciario Thijsen
- Analisis: Cos no ta pega rond di nombracion di un proximo minister
- Atraco Team a detene hoben na Kamerlingh Onnestraat pa ladronicia
Durante CHTA, ATA a introduci su ‘asistente di biahe fomenta’ pa “Artificial Intelligence”
ORANJESTAD - Aruba un biaha mas ta wordo dignamente representa pa Aruba Tourism Authority (A.T.A.), AHATA y otro socionan den turismo durante Caribbean Travel Marketplace 2024, e conferencia di turismo di mas grandi y importante di Caribe. E evento di e aña aki a tuma lugar na Montego Bay, Jamaica caminda cu a conta cu 1200 delegado di mas di 45 destinacion den Caribe, di entre otro, Anguilla, Antigua and Barbuda, Bahamas, Barbados, Belize, Cayman Islands, Curaçao, Jamaica, St. Kitts and Nevis, St. Lucia, Saint-Martin, Sint Maarten, Trinidad and Tobago, Turks and Caicos Islands, U.S. Virgin Islands y mas, incluso pais Aruba. E edicion di e aña aki tabata esun di mas grandi despues di e pandemia.
E siman a habri cu ceremonia di Destination Resilience Award 2024, un premio cu ta enfoca riba resiliencia di un pais. Na 2022, Aruba a gana e premio maximo pa e maneho cu a hiba durante pandemia COVID-19. E aña aki, A.T.A. a forma parti di e contienda enfocando riba e transformacion di Fundacion Parke Nacional Aruba (FPNA) pa Aruba Conservation Foundation (ACF) como un organisacion moderno di maneho di conservacion. Cu esaki Aruba ta enfoca tambe riba enecesidad pa conserva medio ambiente di Aruba. Ta di menciona cu Aruba tabata un finalista pa bai cu e reconocemento aki hunto cu Bahamas y Puerto Rico, caminda cu Bahamas a resulta e ganador absoluto di e premio.
A.T.A. ta probecha pa felicita De Palm Tours tambe cu a ricibi premio di 'Highest Customer Satisfaction' pa 2023, otorga na nan pa JetBlue Vacations.
Presente durante di CHTA tabata e delegacion di Aruba cu a consisti di Ronella Croes CEO A.T.A., Sanju Luidens Chief Marketing Officer, Sjeidy Dijkhoff Feliciano Area Director NA, y Tisa La Sorte CEO AHATA, cu a atende e diferente reunionnan planea durante di e conferencia.
Durante reunionan a papia di locual cu por spera di e mercado Mericano y Canades, entre otro.
Aki por remarca cu pa Aruba, despues di a conoce cuater prome lunanan fuerte pa 2024 di mercado Mericano y Canades, caminda cu Norte America a subi cu 17.9%, por lo general ta anticipa cu e tendencia aki por keda pa restante di aña, teniendo na cuenta cu algun luna tin mester di mas atencion cu otro. Ta pa es motibo cu ta mira e importancia pa atende e reunionan importante aki, mirando cu esaki ta permiti pa ahusta strategia unda mester. Na mesun momento, mester keda alerta tambe pa cu eleccionnan na Merca cu lo por afecta e demanda pa biahe conforme comportacion di e consumidor cu por eherce mas cautela pa cu compranan di biahe, incluso biahe pa Aruba.
Durante di e reunionnan, e delegacion di Aruba a presenta actualisacion di diferente desaroyo, strategia, eventonan, iniciativanan relaciona cu sostenibilidad, y uzo di tecnología cu lo yuda den posiciona Aruba y cu lo yuda bishitantenan di e isla plania nan experiencia riba e isla. Alabes, a comparti rendimento y resultadonan cu otro, ambos di banda di Aruba y di banda di nos socionan internacional.
Topiconan cu a cubri y cu a publica pa medio di un relato di prensa internacional mara na e conferencia a inclui; introduccion di myAruba Assistant, un asistente di biahe fomenta pa “Artificial Intelligence” (AI) cu ta disponibel riba sitio web Aruba.com y WhatsApp. Un herment cu a wordo diseña pa provee recomendacion 24/7 di Aruba. E myAruba Assistant ta responde na un manera rápido cu recomendacion specifico.
Pa loke ta trata conservacion y preservacion di nos medio ambiente, Aruba a presenta su enfoke creciente na bienestar di e isla cu anuncio di Aruba Conservation Foundation (ACF), senjalando aki cu actualmente 25% di e isla ta protehi. Banda di esaki, ACF ta encarga tambe cu maneho di cuater area maritimo.
Durante di e evento a presenta un actualisacion di desaroyo di producto cu introduccion di St. Regis Palm Beach Resort como un hotel 5 strea, Iberostar Grand dilanti di Eagle Beach, expansion di Hilton Aruba Caribbean Resort & Casino cu un toren nobo cu lo ofrece producto eleva di restaurant y bar. Alabes, futuro renobacion di toren existente pa eleva e propiedad den su todalidad. Por ultimo, introduccion tambe di Secrets Resorts & Spa cu lo debuta Secrets Baby Beach.
Pa locual ta trata eventonan riba e isla cu ta wordo utilisa como promocion, a enfoca riba e famoso KLM Marathon cu ta celebrando e di seis edicion na juni 2024. Un evento cu ta wordo afilia y certifica pa Association of International Marathons and Distance Races. A introdusi e evento nobo di Relaxathon cu lo tuma lugar na juni 2024, y cu lo wordo presenta pa un atleta renombra cu a obtene 5 medaya Olímpico. E evento aki lo bira e prome competencia den e categoria di relahacion den Caribe. Alabes a promove e di seis edicion di Aruba I Do cu lo tuma lugar na augustus 2024. Un evento caminda cu parehanan lo renoba nan compromiso matrimonial den un atmosfera romantico riba e isla.
E aña aki a introduci tambe un evento culinario nobo cu Aruba lo organisa riba e isla cu lo tuma lugar na october 2024. Un evento cu lo ilustra e variedad culinario atraves di un evento interactivo cu chefnan renombra di Aruba y chefnan renombra internacional. Sin laga afo, a promove Aruba Open Beach Tennis cu lo tuma lugar den november 2024.
PAMAC Destination Summit: Aruba ta comprometi na e industria crucero
ORANJESTAD - Diaranson mainta a tuma luga e “PAMAC Destination Summit” den Renaissance Convention Center, unda mas di 200 miembro di Florida Caribbean Cruise Association a atende. Henter e directiva y e ehecutivonan clave di e asociacion aki ta na Aruba pa hunto delibera riba futuro di e industria crucero den nos region Caribense. E evento ta patrocina pa Gobierno di Aruba, Aruba Ports Authority N.V. y Aruba Tourism Authority.
Lotto: Diabierna bo por gana 825 mil florin cu Mega Plus
ORANJESTAD - Lotto di Dia bo tin chens pa gana 55 mil florin awe nochi cu solamente 2 florin y cu 1 florin mas, bo ta gana premio cash instantaneo cu e wega adicional Facilito. Diabierna anochi ta bo chens pa gana 550 mil florin cu Mini Mega y cu 2 florin mas, bo por gana 275 mil florin extra cu ta pone e jackpot bira e suma total di 825 mil florin cu Mega Plus pa awe!
Awor Latam Airlines tambe lo bula entre Aruba y Colombia
ORANJESTAD - Latam Airlines a pidi ruta internacional nobo, conectando Colombia y Aruba. E sucursal Colombiano di Latam Airlines, a pidi formalmente pa habri un ruta internacional nobo for di Aeronautica Civil cu lo conecta Aeropuerto Internacional El Dorado na Bogotá cu Aeropuerto Internacional Reina Beatrix na Aruba. E peticion aki ta bin memey di un demanda creciente pa e destinacion Caribense aki y ta busca pa fortalece conectividad entre Colombia y Aruba, tanto pa loke ta trata turismo como comercio.
Top ehecutivonan di crucero ta e siman aki na Aruba
ORANJESTAD - Aruba lo ta anfitrion oficial di e conferencia di crucero Platinum Associate Membership Advisory Council (PAMAC) 2025, un di e eventonan mas importante y reconoci pa e industria crucero na Norte America, Latino America y Caribe. E evento importante aki ta organisa pa Florida-Caribbean Cruise Association (FCCA) y pa e edicion aki ta patrosina a traves di un partnership entre APA y A.T.A.
Ex director di aeropuerto ta bolbe Aruba pa duna un man
ORANJESTAD – Ex director di aeropuerto di Aruba James (Jim) Fazio, ta bolbe Aruba pa yuda drecha un di e problemanan cu ta afectando e aeropuerto. E aeropuerto tin problema (manera cu noticiacla a raporta recientemente ainda) cu filanan largo di pasaheronan, y mester resolve esaki. Recientemente, minister responsabel pa aeropuerto, Wendrick Cicilia a bisa noticiacla cu e lo kier traha riba un solucion pa esaki. Y awor a compronde cu un di e ayudonan aki, ta netamente esaki. Mientras cu e aeropuerto y gobierno ta negoshando cu Royal Schiphol Group, a logra pa haya ayudo di Fazio, cu lo bin Aruba den representacion di RSC.
ATA ta registra crecemento di 5.3% di turista stayover den mei 2025
ORANJESTAD - Den mei 2025, Aruba a ricibi un total di 117,125 turista “stayover”, representando un crecemento di 5.3% of 5,945 bishitante adicional compara cu mei 2024. E crecemento ta notabel den mercado Latino Americano, particularmente for di Argentina cu un aumento di 155.6%, Brasil cu 51.8% y Peru cu 21.4%. For di Norte America, a registra un aumento di 3.0%. Canada tin un crecemento di 41.3%.
Follow NoticiaCla
