Ministerio di BZK ta establece dos katedra nobo pa Reino

Ministerio di BZK ta establece dos katedra nobo pa Reino

Posted on 05/23/2024 10:26 am AST | Updated on 05/23/2024 10:29 am AST

DEN HAAG - Ministerio di Asuntunan Interno i Relashonnan den Reino (BZK) ta establesé dos kátedra (puesto di profesor) nobo pa Reino. Ta bin un kátedra politikologia/derecho atministrativo i un kátedra antropologia/sosiologia.

A selektá Universidat di Leiden i Koninklijke Nederlandse Akademie van Wetenschappen (KNAW), Koninklijk Instituut voor Taal-, Land- en Volkenkunde (KITLV), den kolaborashon ku Universidat di Amsterdam (UvA), komo sitionan di establesimentu di e kátedranan. Universiteit Leiden lo okupá e kátedra di politikologia/derecho atministrativo i KITLV/UvA e kátedra di antropologia/sosiologia.

TITULARNAN DI E KÁTEDRANAN

E Kolegionan Ehekutivo di UvA i Universidat di Leiden a aprobá e proposishon pa nombra nan kandidato. Antropólogo Sosial i Kultural dr. Francio Guadeloupe ta bira e titular di Antropologia Públiko di Relashonnan den Reino pa KNAW/KITLV/UvA. Dr. Wouter Veenendaal, profesor asosiá universitario di Politikologia Komparativo na instituto di Siensia Polítiko di Universidat di Leiden, ta bira titular di Representashon Demokrátiko den Reino pa Universidat di Leiden. Lo pon’é na disposishon di KITLV na Leiden. 

DESAROYO AMPLIO DI KONOSEMENTU 

E dos kátedranan speshal ta un inisiativa di direktorado general Relashonnan den Reino (DGKR) di ministerio di BZK den kuadro di desaroyo di konosementu amplio. E kátedranan ta kontribuí na fortifikashon di e funshon di konosementu den DGKR. Tin nesesidat di atenshon ku ta tantu profundisá komo amplia riba tereno di e ‘niche’ sientífiko Relashon di Reino ku ta generá mas investigashon, sinergia i ‘spin-off’.

UNIVERSIDATNAN KARIBENSE

E esfuerso ta pa embolbí universidat- i investigadónan den e tres paisnan karibense di Reino estrechamente den e kátedranan. Ta hasi esfuerso pa yega na un kolaborashon ku e universidatnan karibense, unda por ehèmpel por interkambiá dosente i investigadó. Ta sigui desaroyá e enkargo mas den konsulta ku e universidatnan karibense. 

BALOR ENORME 

Sekretario di estado Alexandra van Huffelen di Relashonnan den Reino: “Mi ta sumamente kontentu ku a logra realisá e kolaborashon akí ku e universidatnan. Konosementu sientífiko konfiabel ta di enorme balor i por kontribuí na sigui mehorá e kolaborashon den Reino mas. Un bunita logro, hustamente den e aña ku nos ta selebrá ku nos den Reino ya ta 70 aña uní pa medio di Statüt”.

 

Titular Francio Guadeloupe: ‘Kasi mitar di personanan ku un orígen karibense ta biba na Hulanda. Na mes momentu tin míles di persona ta biba riba e islanan di kende nan antepasado a nase na Hulanda. E realidat akí ta mas grandi ku e tenshonnan entre polítikonan na Den Haag i polítikonan riba e islanan. Nos mester rekonosé ku relashonnan den Reino den práktika tin efekto riba un frekuensia mas abou ku e nivel di esnan ku ta stipulá maneho. Ami kier enfoká riba loke ta hasi den komunidat i den polítika pa logra hasi e Reino mas igual, hustu i inklusivo pa tur hende. Esei ta loke ami kier investigá, huntu ku e institutonan di konosementu riba tur seis isla i na Hulanda.’        

 

Titular Wouter Veenendaal: ‘Reino hulandes tin un struktura úniko. E ta konsistí di kuater pais outónomo i igual, pero un di e paisnan ei – Hulanda Oropeo– ta superior polítikamente i institushonal. Esei ta lanta interogante tokante e representashon demokrátiko den Reino, ku ami kier bai investigá den e enkargo di enseñansa akí. Huntu ku instituto- i ekspertonan riba e seis islanan i na Hulanda mi ta spera di duna un impulso na desaroyo di konosementu i enseñansa riba tereno di polítika i demokrasia den nos Reino. Mi ta anhelá enormemente pa kolaborá ku sientífiko- i institutonan na ámbos banda di oséano.’

 

PROSESO HABRÍ

A realisá e kátedranan pa medio di un proseso habrí. A pidi e universidat- i institutonan di konosementu pa entregá un proposishon ku propio kontenido i enfoke di investigashon. A balorá e proposishonnan di Universidat Leiden i KITLV/KNAW/UvA komo esnan di mas mihó. 

DGKR ya ta kolaborá ku Haagse Hogeschool den kuadro di e ‘minor’ Relashonnan den Reino. NOTA: E texto ta scirbi den Papiamento fonetico di Corsou. 

  • A celebra Dia di San Juan/ Dera Gai na Hulanda

    A celebra Dia di San Juan/ Dera Gai na Hulanda

    DEN HAAG  – E grupo conoci di Rubiano na Hulanda, Nos Baranca na Tilburg a tene un merdia familiar na unda tabata tin un combinacion di hersengymnastiek y celebracion di San Juan/Dera Gai.

  • Thijsen: Ta mustra cu e Secretario di Estado nobo lo kier continua cu loke nan a haci caba den pasado

    Thijsen: Ta mustra cu e Secretario di Estado nobo lo kier continua cu loke nan a haci caba den pasado

    DEN HAAG  – Mirando cu Hulanda proximamente lo tin un Gobierno nobo y cu tambe lo tin un Secretario di Estado nobo pa Relacionnan den Reino, Minister Plenipotenciario mr. Ady Thijsen a duna comentario riba e desaroyo aki na final di reunion di Conseho di Minister di Reino (RMR). Den esaki e mandatario a bisa cu indicacion ta mustra cu e Secretario di Estado nobo lo kier continua cu loke nan a haci caba den pasado. ‘Esey ta mustra bon. Cada candidato tin nan experencia. Nos lo mester duna nan chens pa goberna. Aruba ta traha cu tur partido cu tin. Nos sa cu nos ta hacienda un bon trabao y nos sa unda nos ta para,’ segun Minister Thijsen.

  • Thijsen riba Rutte den NATO: Un trabao hopi pisa, pero nos tin confiansa den Mark Rutte

    Thijsen riba Rutte den NATO: Un trabao hopi pisa, pero nos tin confiansa den Mark Rutte

    DEN HAAG  – Awe Gabinete Rutte IV a tene su ultimo Reunion di Conseho di Reino (RMR), mirando cu un Gobierno nobo di Hulanda ta den pleno formacion y e huramentacion door di Rey Willem Alexander di e Ministernan y Secretarionan di Estado ta poni pa tuma lugar 2 di juli benidero. 

  • Sabó kier optimalisa e relacion entre Hulanda y islanan di Reino Hulandes

    Sabó kier optimalisa e relacion entre Hulanda y islanan di Reino Hulandes

    DEN HAAG – Manera por a spera, durante e audiencia awe mainta tempran ora di Hulanda, e futuro secretario di estado Hulandes pa Asuntonan di Reino, Zsolt Sabó a wordo confronta cu pasado. Esaki ora cu e pregunta di parlamentario Kathmann (Groenlinks/PvdA) a puntra Sabó riba un declaracion di PVV di pasado riba e islanan di Reino den Caribe. “Palabranan manera e islanan di Reino den Caribe ta un neishi di ladron, nan por wordo poni riba Marketplaats pa 1 euro, e yabi di placa pa nan mester cera, Sinterklaas ainda sa di localisa e ladronan, inverti e placa ey na Hulanda den cuido” Kathmann a usa, citando un miembro di e partido PVV cual partido a pidi Sabó pa e funcion. E parlamentario a puntra con e ta reacciona riba e declaracion ey di pasado y si e ta comparti e pensamento ey. 

  • Mark Rutte oficialmente a bira e unico candidato pa lidera NATO

    Mark Rutte oficialmente a bira e unico candidato pa lidera NATO

    BRUSELAS – E unico candidato pa bira secretario general di NATO, awor ta e actual premier Hulandes saliente Mark Rutte. Un siman prome cu Hulanda conoce un premier nobo, esun actual ta bira e unico persona pa e funcion top di NATO despues cu presidente di Rumenia Klaus Iohannis a retira su candidatura. Pa bira e hefe maximo di NATO, tur 32 pais miembro mester vota unanime.  

  • Minister Thijsen a despedi oficialmente di Secretario di Estado Van Huffelen

    Minister Thijsen a despedi oficialmente di Secretario di Estado Van Huffelen

    DEN HAAG  – Na Nieuwe Kerk na Den Haag a tuma lugar un recepcion pa tuma despedida di Alexandra van Huffelen como Secretario di Estado pa Asuntonan di Reino y Digitalisacion. Na e ocacion aki Minister Plenipotenciario mr. Ady Thijsen a gradici Alexandra van Huffelen pa e bunita cooperacion durante di e periodo cu e tabata Secretario di Estado. Tambe Minister Thijsen a gradici Alexandra van Huffelen pa su comprension y su amor y afecto grandi pa e parti Caribense di Reino Hulandes. Sr. Thijsen a desea señora Van Huffelen tur clase di exito den loke elo bai haci despues di e funcion di Secretario di Estado.

  • Powered by SETAR