ORANJESTAD - Stampiaruba ta cumpli 17 aña di existencia e aña aki, pa cual motibo Stampiaruba kier laga pueblo sa cu “stampia” t’ey keto bay pa basta tempo.
E club di coleccionistanan di stampia, encabesa pa Ruben Abath, ta invita pueblo henter y muy en especial e hobenan pa bin cera conocí cu e diferente coleccionnan pa medio di un Exposicion.
E Exposicion lo ta na Biblioteca Nacional Aruba di 26 pa 28 di april den Sala di Actividad.
Bo por admira e.o. coleccionan di e prome stampianan di Corsow, Antillas Hulandes y Aruba. Coleccion di stampia di un topico, por ehemplo Barbulet, Prinses Diana, Cas Real, Vaticano, Flor y Fauna, Remedi di Tera, y “Eerste Dag Enveloppen”.
Pueblo di Aruba ta keda cordialmente invita na e Exposicion:
APERTURA
Diabierna, 26 di april 2024
Ora: 7or pa 9or PM
Diasabra, 27 di April 2024
Ora: 1or pa 6or PM
Diadomingo, 28 di April 2024
Ora: 1or pa 5or PM
Ta bay tin doorprize durante e anochi di apertura. Potret cortesia di Bondia Aruba.
PALM BEACH – Radisson Blu Aruba e siman aki a anuncia e regreso di e gerente general local Luigi Wix. E tabata na timon di e ekipo caba ora cu e hotel a habri su porta. Awor cu e hotel ta celebra su di 3 aniversario, nan tine bek na cabez, y ta considere como un capitulo nobo di crecemento y inovacion pa e propiedad hoben. Wix tin experiencia hotelero adkeri di e.o. Wyndham Hotels & Resorts, InterContinental Hotels Group (IHG), Divi Resorts y Marriott Vacations Worldwide.
MIAMI – E barco crucero mas nobo di e compania Virgin Voyages su flota Lady, Brilliant Lady lo bishita Aruba for di October 2025 caba. E barco mes ta keda lansa un luna prome na September 2025. E plan ta pa na October 2025 e Sali for di Miami y bishita Aruba, Bonaire, Curaçao, y Cartagena. Brilliant Lady lo bishita lugarnan faborito manera Turks & Caicos, Antigua y Grand Cayman y Ocho Rios na Jamaica. Pues otro barco crucero ta duna Aruba e importancia, y ta inclui nos isla e mesun temporada cu e keda lansa.
ORANJESTAD - Habitantenan di Bucutiweg a comparti nan rabia y disgusto cu nan tabatin pa e hecho cu bishitantenan di e concierto latino diasabra anochi a blokea nan casn y di bisiña. Segun e relato di e habitantenan, tabata alrededor di 8:30 diasabra anochi riba Dia di Rey cu e bisiñanan a nota cu algo straño ta pasando den nan bario. Un cantidad di auto a cuminsa aglomera canto di e caminda riba Bucutiweg cu ta un caminda sin continuidad, pues e ta limita na mas direccion pasobra cu e ta caba na e cura di Aeropuerto. Bisiñanan no tabata tin un idea di kiko tabata pasando y a cuminsa puntra otro ken sa di algo cu por tin den nan bario cu normalmente ta hopi trankil. Pero despues di un rato e cantidad di auto a bira asina hopi cu nan casnan a keda blokea.