For di Aruba, e eclipse total di solo awe ta visible pa un parti chikito so

ORANJESTAD – Mientras cu parti basta grandi di Merca y Europa ta den gara di e eclipse total di solo awe tardi, esaki lo ta ‘apenas parciable visibel’ na Aruba. “Akinan lo nos por mira un parti masha chikito di solo wordo cubri pa luna” e portal di tempo, Aruba Weather Watch ta pone riba nan pagina di Facebook dialuna. “ E evento lo cuminsa akinan 2:46 pm y lo finaliza 3:20 pm”, nan ta sigui bisa.

VISIBEL TOTAL

Mientrastanto, tin cierto parti di Merca y Europa cu si lo por mira y experencia e efecto aki completo. Hopi cu no ta biba den e aereanan aki, a dicidi di haci e biahe special pa e occasion aki. A compronde cu for di Aruba tambe tin un grupo di persona interesa cu a biaha caba pa Merca, unda cu nan lo te hasta transmiti e evento aki LIVE. Di otro banda, tin indicacion cu hasta na e lugarnan cu ta programa cu por mira e spectaculo aki, e por wordo dificulta pa pasada di nubianan e momento ey.