Cambia y Gana cu Botica di Servicio!

Cambia y Gana cu Botica di Servicio!

Posted on 04/3/2024 2:37 pm AST | Updated on 04/3/2024 2:59 pm AST

(ADVERTORIAL)

ORANJESTAD -  Botica di Servicio ta ofreciendo un gran sorteo di regalonan pa tur miembro nobo cu cambia durante e luna di april. Ademas di esaki, tur miembro ta participa pa gana un di nan varios premionan, manera un Wellness & Nature retreat pa Colombia, un TV 65-inch, 20.000 punto cu FunMiles y mas premionan! 

Manera tur aña, tur hende tin e oportunidad di haci cambio di botica 2 bes pa aña, e cual ta tuma lugar awo den april y den october. 

Durante e luna di april, tur hende tin e oportunidad di haci cambio di botica. Botica di Servicio ta ricibi tur miembro nobo cu un di e regalonan cu nan ta ofrece como muestra di gradicimento. Tambe, tur miembro existente y nobo ta participa pa gana un di e grandioso premionan cu Botica di Servicio . 

Botica di Servicio su meta principal ta pa brindi e comunidad di Aruba servicio excepcional den e area di salud. 

Pesey, tur miembro di Botica di Servicio por probecha di e diferente beneficionan cu tin: 

1.      Tur miembro di Botica di Servicio ta ricibi 10% di descuenta riba cada compra of 8 biaha e cantidad di puntonan di FunMiles.

2.      Ricibi un e-mail ora bo receta ta cla pa bin busca na botica.

3.      E facilidad di pasa na cualkier di nan 4 localidadnan rond di Aruba pa busca bo receta.

4.      Un team profesional y servicial cu ta cla pa asisti den e necesidadnan di tur cliente.

5.      E unico botica cu ta certifica HKZ na Aruba.

6.      Servicionan manera PillPak (solamente pa miembronan cu ta cualifica, basa riba edad y tipo medicamento cu ta tuma).

Botica di Servicio ta invita e comunidad di Aruba pa hacie cambio prome cu 29 di april y ricibi un regalo como nos muestra di aprecio y ademas di esaki, participa pa gana un di nan gran sorteo di premionan. 

Pasa na un di nan 4 localidadnan y laga nos team asistibo pa haci e cambio of bishita nos website www.boticadiservicio.com y yena e formulario.

Haci e cambio prome cu 29 di april pa asina disfruta di tur loke Botica di Servicio ta ofrece!

  • Grupo grandi di persona a participa den marcha contra maltrato di bestia

    Grupo grandi di persona a participa den marcha contra maltrato di bestia

    ORANJESTAD – Un grupo grandi di persona a cana diasabra atardi den un marcha di protesta contra maltrato di bestia. Bisti na blanco, sea completamente na blanco of un t-shirt cu e cara di e cacho Khaleesi cu a fayece recientemente di maltrato na man di su doño. E grupo a marcha di Kazerne di bombero na aeropuerto te dilanti e beach dilanti e cas ceremonial di Gobernador, unda cu a reuni y a comparti momentonan di solidaridad entre esnan presente. Potret cortesia Dick Drayer. 

  • The Travel: Aruba ta e di 5 isla mas sigur den Caribe for di un lista di 7

    The Travel: Aruba ta e di 5 isla mas sigur den Caribe for di un lista di 7

    ORANJESTAD – Mientras cu recientemente gobierno di Aruba a cita un informacion internacional cu Aruba ta e isla mas safe den Caribe, un otro raportahe cu a sali e siman aki riba e portal www.thetravel.com, ta pone Aruba na number 5 di 7 pais den Caribe. E portal ta sigui mustra cu biaheronan por experencia tur e miho partinan di Caribe, desde e islanan ABC te nabega e lamanan pa e resortnan all inclusive y relaha riba islanan aisle y disfruta di e calor di Caribe. Esaki sin sinti menasa pa actividadnan criminal. 

  • Pelicula Hulandes Invasie, filma tambe na Marinierskazerne Sanaveta, ta yega Aruba otro siman

    Pelicula Hulandes Invasie, filma tambe na Marinierskazerne Sanaveta, ta yega Aruba otro siman

    ORANJESTAD – E Paraiso turistico Aruba, ta wordo invadi pa un pais bisiña. Un scenario cu ningun hende kier pensa ariba. E realidad ta cu otro siman diahuebs, The Movies ta estrena e pelicula Hulandes INVASIE unda cu netamente esey ta sosode. Un pelicula basa riba un invasion militar riba tanto Aruba como Corsou. Y si a kere cu a usa décor y otro tipo di artefacto pa simula un scenario di guera, esaki ta robez. Pa e pelicula aki, e base di marinier na Savaneta y esun na Parera Corsou a wordo usa, completo cu ekipo y personal di marina real. 

  • DMH: Cabesantenan di Centro di Cuido di Mucha a siña tocante ehecucion di supervision

    DMH: Cabesantenan di Centro di Cuido di Mucha a siña tocante ehecucion di supervision

    ORANJESTAD - Dialuna anochi a tuma lugar un encuentro pa tur cabesante di Centro di Cuido di Mucha na John F. Kennedy (JFK). E meta di e anochi aki tabata pa duna informacion relevante tocante e proceso y ehecucion di supervision den centro di cuido di mucha. DMH conhuntamente cu Cuerpo Policial Aruba, esta Polis di Bario y Scol di Polis, a uni forsa y a percura pa brinda informacion amplio riba loke ta e trayecto y implementacion di supervision den Centro di Cuido di Mucha, cu ta stipula pa cuminsa pronto den 2024. Den un sala completamente yen, 41 centro di cuido di mucha, representa pa sea cabesante y/of trahador pedagogico tabatin e oportunidad pa por haci diferente pregunta, a base di e informacion brinda y asina nan tambe por ta na altura di loke por spera durante un supervision di e supervisor di DMH. 

  • Portal nobo di ATA mester conecta comunidad local cu informacion relevante di turismo

    Portal nobo di ATA mester conecta comunidad local cu informacion relevante di turismo

    ORANJESTAD - Cu lansamento di e portal (website) www.ata.aw, A.T.A. ta sigui comparti informacion entre otro relatonan di prensa, noticia, informacion, “insights”, diferente estudionan y rapportnan mensual cu resultadonan di turismo y mas. E website aki ta facilita A.T.A. pa ta conecta y pa sigui informa e comunidad local di hopi di locual cu A.T.A. ta dedica na dje. 

  • Fundacion Corector di Papiamento ta presenta anochi literario

    Fundacion Corector di Papiamento ta presenta anochi literario

    ORANJESTAD – Despues di basta tempo Fundacion Corector di Papiamento (FCP), antes Grupo Corector di Papiamento, ta bolbe organisa un anochi literario dia 16 di april venidero. Lo dedica e anochi aki na e tres docentenan cu na aña 2001 pa 2002 a duna e curso di Corector di Papiamento, bou auspicio di Ministerio di Enseñansa y a traves di Departamento di Enseñansa. Nan ta Sr. Ramon Todd Dandaré, Sr. Mario Dijkhoff  d.f.m. y Sr. Pedro Velasquez d.f.m.

  • Zulo
  • Powered by SETAR