Huisartsen Onder Een Dak (HOED) a habri na IMSAN

Huisartsen Onder Een Dak (HOED) a habri na IMSAN

Posted on 04/3/2024 9:44 am AST | Updated on 04/3/2024 9:52 am AST

ORANJESTAD – Diamars atardi na Imsan tabatin e apertura di Huisartsen Onder Een Dak HOED na San Nicolas. HOED lo bay yuda fortifica e prome liña di cuido na Aruba. E ocasion special aki ta significa un paso padilanti den ministerio di salud su compromiso pa mehora e calidad di servicio di cuido di salud disponibel ariba nos pais. Minister Dangui Oduber tawata invitado tambe na e evento aki. 

ACUERDO

Na Juni 2023 a firma un acuerdo di cuido (zorgakkoord) cual un di e temanan importante tawata pa reenforsa e prome liña di cuido. HOED lo reenforsa e prome liña di cuido y trece mas accesibilidad na nos pashentnan cu mester di e cuido y lo amplia e capacidad pa sirbi mas pashent. Asina aki lo demostra cu esfuersonan continuo di tur den salud publico ta pa keda vanguardia e calidad di cuido na Aruba cu innovacion y exelencia medico.

LOGRO

Minister Dangui Oduber tawata tin e oportunidad di hiba palabra unda e la menciona cu pe ta un honor pa como Minister di Salud Publico presencia e logro aki. E la menciona cu sigur e resultado lo ta un impacto profundo di un servicio di calidad halto cu lo wordo ofreci na e aseguradonan pariba di brug. 

SERVICIO

HOED cu ta “Huisartsen Onder Een Dak” lo bai ofrece servicio consistiendo di 5 docter di cas, 3 docter assistant, 1 POH y un VP.

  

  • Zulo
  • Alpina
  • Powered by SETAR