ORANJESTAD - Association of Aruban Realtors (AAR) despues di un reunion cu AFTA a revoca su Commission Guidelines. E guidelinenan aki ta limita competencia den prijs entre intermedario, y esey a base di e Ordenanza encuanto Competencia (Mededingingsverordening; AB 2020 no. 103) ta prohibi desde 1 di januari 2024. A traves di e revocacion di e guidelinenan aki ta kita e limitacion pa competencia den prijs, loke por conduci na tarifa mas abao. Esey ta faborabel pa consumido y empresa cu ta haci uzo di servicio di intermediario. Pa motibo di e revocacion rapido di e guidelinenan di parti di AAR y e tempo corto desde cu e Ordenanza encuanto Competencia a drenta na vigor, AFTA a para su investigacion encuanto AAR y su miembronan.
Tocante e posibel conflicto di e guidelinenan di AAR cu e Ordenanza encuanto Competencia, AFTA a ricibi señal di advertencia for di mercado. Pa motibo di esey AFTA a inicia un investigacion y a pidi informacion di AAR. AAR a suministra e informacion ey rapidamente y despues di un entrevista cu AFTA a dicidi di revoca e guidelinenan inmediatamente. AAR mientras tanto a comunica e revocacion di e guidelinenan na su miembronan.
AFTA ta satisfecho cu e paso aki di AAR, cu ta conduci inmediatamente na un mehoracion. AFTA a dicidi di para e investigacion. AFTA lo sigui monitor e desaroyo di tarifa pa sevicio di intermediario.
TOCANTE AFTA
AFTA ta e autoridad independiente encuanto competencia di Aruba cu ta fomenta competencia husto pa crecemento economico y mas prosperidad pa hende y empresa. AFTA ta encarga cu supervision y cumplemento cu Ordenanza encuanto Competencia (Mededingingsverordening). AFTA por haci investigacion y si ta necesario den caso di infraccion, impone multa of orden bao di multa coercitivo (last onder dwangsom). AFTA ta vigila cu no ta stroba, limita o falsifica competencia entre empresa y cu empresa no ta abusa di nan posicion di poder.
Pa mas informacion bo por tuma contacto cu AFTA via [email protected].
ORANJESTAD – Casi 4000 Venezolano ta participa den negoshinan na Aruba, a lanta un negoshi y of a y ta forma parti di nan hunta di directiva. Asina Camara di Comercio a informa for di informacion ricibi di investigadornan cu a presenta un informe riba consecuencia economico di e migracion Venezolano na Aruba, e portal Venezolano La Patilla ta informa diasabra. E documento, tituola ‘Estudio di impacto di migracion Venezolano na Aruba’ y tabata pa wak e realidad vs potencial, y ta establece ademas cu e negoshinan aki a sirbi pa canalisa mas di 1.1 biyon di dollar na Aruba durante ultimo 20 aña. E compania Equilibrium a haci e investigacion, bou auspicial di Suecia, E orgamnisacion internacional pa Migracion Di Nacionan Uni, y e Cámara di Empresario , Ehecutivo Venezolano den exterior (Cavex).
ORANJESTAD – Un total di 3 hotel di Aruba ta figura den e top 25 di hotelnan den Caribe segun e compania Tripadvisor. Esaki ta e lista annual cu ta figura hotelnan den Caribe cu su miembronan a scohe durante e ultimo aña. E ta figura 25 hotel den region, incluyendo Jamaica, Aruba, Turks and Caicos, y Antigua y Barbuda, djis pa menciona algun. E Plataforma considera como esun mas grandi di biahe, a revela cu biaheronan rond di mundo a dicidi cu Iberostar Grand Packard ta na favorido di e aña aki den e region.
ORANJESTAD – Danki na un di e hotelnan all-inclusive na Aruba, nos isla ta na prome lugar di e top 10 di miho All-inclusive resorts pa famia den Caribe. Por lo menos segun e portal Travel & Leisure. Ta trata di e resort Tamarijn Aruba. Segun e articulo en cuestion, loke ta haci e diferencia den e destinacionan Caribense, ‘ta e abundancia di resortnan increibel all-inclusive’. E ta un forma perfecto pa famia por disfruta. Y ta describi tur e loke e turista por goza di dje. Mester bisa cu e resultado di e top 10 ta basa riba experiencia personal di e escritor di e portal turistico.
ORANJESTAD – Mayoria compania ta pensa cu e scarsedad di trahado na Aruba lo empeora. Asina Camara di Comercio ta raporta diaranson.
BOGOTA – Mas turista Colombiano a bay Corsou envez di Aruba. Asina presidente ehecutivo di Asociación Colombiana de Agencias de Viajes y Turismo, (ANATO), Paula Cortés Calle ta raporta segun un raportahe di e portal Colombiano El Nuevo Siglo ta raporta. Mientras cu paisnan manera Merca, Spaña, Panama y Republica Dominicano ta conta pa 69% di e Colombianonan cu ta biaha pa exterior, e pais cu mas crecemento ta Corsou cu 157% di participacion, compara cu Aruba cu tin ‘apenas’ 63%. Hasta Hulanda tin mas trafico di Colombia, na 81%. Pero ta sigui Aruba cu 47% y Panama cu 44%. Segun ANATO, e prome trimester di 2024, 1.345.687 Colombiano a biaha pa exterior, cu ta un aumento di 13%, compara cu e mesun periodo aña pasa. “E resultadonan positivo aki ta refleha e recuperacion di turismo saliente, cu ta beneficia e industria relaciona, den e area, hotel y restaurant, entre otro” Cortés Calle a finalisa bisando.
ORANJESTAD - Diabierna 19 di april 2024, Aruba Trade and Industry Association (ATIA) a tene su reuniun general di miembrecia den e sala di conferencia di ATIA.