Putters: Gabinete normal nobo Hulandes di mayoria no ta posibel

DEN HAAG – E partidonan Hulandes PVV, VVD, NSC y BBB mester bay negosha riba un ‘gabinete di programa’. E cuater partidonan en cuestion mester cera un acuerdo conciso riba puntonan principal prome, den cual ta stipula e metanan y e cuadro di maneho. Despues   un ekipo di minister y secretarionan di estado mester desaroya un programa di gobernacion con tin cu logra e metanan stipula. Esey ta e conseho principal cu informador Kim Putters a entrega na e presidente di Tweede Kamer diahuebs. 

GABINETE

E ta constata cu un gabinete normal di mayoria no ta posibel, y tampoco uno minoritario cu sosten tolera. Un gabinete di programa segun Putters, ta un forma di un gabinete extra parlamentario. Segun Putters, lo ta bon si e ekipo consisti mitar di hende cu experiencia politico y e otro mitar di hende ‘di afo’. Esey ta haci husticia na e resultado electoral y por conduci na mas confiansa den comunidad segun Putters.