Hulanda a aproba Alida Francis pa bira gezaghebber di Statia

DEN HAAG – Gobierno Hulandes a bay di acuerdo pa nombra sra Alida Francis pa gezaghebber di St Eustatius (Statia) ora cu e tempo yega pa e isla haya su estado democratico bek. Secretario di estado Hulande Van Huffelen a propone Francis den ministerraad. Francis no ta un desconoci y tabata comisario di gobernacion desde 2021, un funcion cu Hulanda a pone desde cu Hulanda a tuma gobernacion di e isla over na 2018, debi cu e isla su maneho tabata caotico. Prome cu esey, Francis tabata vice comisario. Prome cu esey e tabata consehero di media y vocero di RCN y director di oficina di turismo di e isla. E la studia periodismo na Hulanda. E fecha pa e funcion cuminsa, ta ora cu e ley di reestablecimento di Statia drenta na vigor.