BZK ta confirma: No tabatin desaroyo nobo cu reunion cu premier Wever-Croes

DEN HAAG – Binnenlandse Zaken (BZK) a confirma diahuebs loke Noticiacla a bisa e siman aki, di e resultado di e combersacion cu secretario di estado Van Huffelen tabatin cu premier Wever-Croes. “A papia cu otro pero no tin desaroyo nobo”. Pues, cu mientras cu nan a topa personalmente, partidonan no a haya otro, esta pa loke ta e reduccion di e tasa di interes pa e debe di Covid. “Pero nan a palabra cu nan lo sigui papia cu otro riba e tema ora cu e secretario ta na Aruba aki un par di siman” su vocero a confirma. Van Huffelen mes tabata na caminda pa Merca, pa algun reunion. A compronde cu e mandatario Hulandes lo por ta na Aruba aki dos siman caba, esta e siman di 18 di maart proximo, aunke no sa si e lo participa den e festeho di e dia ey.