Encuesta di KVK: Un 80% di negoshi tin problema pa haya trahado cualifica pa traha

ORANJESTAD – Segun un encuesta cu Camara di Comercio a laga haci, 80% di negoshinan encuesta tin problema pa haya candidatonan cualifica pa traha pa nan. Ademas, dos tercera parti di esnan encuesta ta considera e escases di empleo como un problema severo. Di cada 10 negoshi, 4 ta bisa cu haya empleado ta schaars, y empleo ta limita. Solamente un grupo chikito di negoshi ta considera cu tin suficiente empleo. 

IMPACTO RIBA HOTEL

Entre esnan encuesta di cada 10 persona, 4 ta bisa cu e crecemento di sector hotelero a impacta e mercado laboral, sigui pa 18% cu ta bisa cu e impacto ta modera. Hunto, nan ta asi dos tercera parti di tur e contestanan.

ESCASES

Mayoria negoshi ta bisa cu nan tin un escases di entre 2 pa 5 empleado. Un 57% ta bisa cu nan ta anticipa un empeoramento di e situacion den e proximo 1 pa 2 aña. 

MOTIBO

Entre motibonan di e causa di escases di empleo, ta menciona entre otro e vergrijzing, tanto den populacion como e forza laboral, y salario abou di empleo. Tambe e dinamico di hotel y hopi hende cu ta emplea nan mes (doño propio) y finalmente, un mal combinacion di cualificacion pa e supuesto trabou, osea under of over qualified.