Advocaat: Ta difícil pa convensé algun hungado Hulandes pa hunga pa seleccion di futbol di Corsou

AMSTERDAM - Ayera entrenadó nobo di selekshon di Kòrsou Dick Advocaat tabata invitado den e programa Veronica Offside unda el a papia di kon ta bayendo ku preparashon pa e weganan amistoso aki un par di siman. E entrenadó hulandes a bisa bon kla ku e parti di haña hungadónan nobo pa selekshon no ta bai asina fásil. “Ta difísil pa konvensé hungadónan aki pa hunga pa Kòrsou”, Advocaat a bisa. Advocaat lo a aserká hungadónan manera Riechedly Bazoer Joshua Brenet, Tahith Chong, Sontje Hansen, Justin Kluivert, Armando Obispo, Shurandy Sambo i Tommy St. Jago (Willem II) pa hunga den selekshon di Kòrsou. “Personalmente ami no ta mira ku bo por yega selekshon hulandes ku 24 òf 25 aña. Sinembargo ami no ta esun ku lo splika nan esaki”, Advocaat a bisa. E entrenadó di selekshon a mustra riba e echo ku algun hungadó a bisa ku nan lo no hunga pa Kòrsou. Advocaat no kier a menshoná nòmber di esnan ku a bisa nò. Advocaat a trese dilanti ku e ta komprondé pa algun di e hungadónan ku a bisa nò. El a bisa ku por ehèmpel si bo tin 21 aña i a hunga den tur selekshon hubenil di Hulanda, ta komprendibel ku komo hungadó bo ke warda. Aki e ta referí na tur probabilidat na Sontje Hansen. Advocaat a indiká si ku Tahith Chong ta dudando ainda, Justin Kluivert lo a bisa ku selekshon hulandes ta keda su meta. Tommy St. Jago tin ku hunga weganan ku Willem II miéntras ku Riechedly Bazoer no a ni reakshoná ainda. NOTA: Texto ta scirbi den Papiamento fonetico di Corsou.