- Minister Hulandes di Husticia van Weel a bishita wardanan di polis na Aruba awe
- Van Haasen(PVV): Bergonsoso cu na Corsou, partido lidera pa hende cera den prizon, ta bay eleccion
- Veldkamp: Hulanda lo actua contra Venezuela despues di expulsion di diplomaticonan
- Feco Gomez(AMAK): Arubianonan ta participa atrobe den festival di Tumba di Corsou
- Zoetrum (CTB): Corsou tin un sin fin di actividad pa Arubianonan den 2025
Muchanan di scol preparatorio a ricibi nan premio pa e concurso di kleur “Stima bo mascota 2023”
ORANJESTAD- Muchanan contento di scol preparatorio a ricibi nan premio pa e concurso di kleur “Stima bo mascota 2023”. Na aña 2019 Minister-President Evelyn Wever – Croes a laga diseña un Plan Nacional pa atende cu e sobrepopulacion di cachonan na nos isla. Mesun aña a lansa e prome Concurso di Pintamento pa scolnan basico. E aña siguiente tabata e prome biaha cu a inclui scol preparatorio den e concursonan di pintamento, pa nan tambe siña di Aruba su Ley di Cacho. Na 2021 tabata e prome aña cu a organisa un concurso pa scol basico los di esun pa scol preparatorio. E aña ey a ricibi mas cu 100 pintura di e scolnan preparatorio. E aña aki ta di 2 biaha cu ta organisa e concursonan separa y Minister di Enseñansa Endy Croes a lansa y carga ambos proyecto. Na e Concurso di Pintamento 1222 alumno a participa y na e Concurso di Kleur 423 alumno. Un exito total! Muchanan di kleuter tabatin te dia 5 di december pa entrega nan pinturanan y dia 18 di december ya caba a anuncia e 15 ganadonan riba e pagina di Facebook di Stima Mi Mascota, riba e pagina di Facebook di Gabinete Wever-Croes y tambe via e-mail di tur scol. “Nos a dicidi di warda pa Pasco y Carnaval pasa, pa por duna e alumnonan nan momento special”, Minister Endy Croes a comparti. Dia 23 di februari tur 15 ganado a wordo invita pa bini Bestuurskantoor pa nan ricibi nan regalito. Ademas di e 15 muchanan y nan mayornan, nos Minister-President Evelyn Wever – Croes tambe tabata presente y tambe Señor Armando Goedgedrag cu ta esun cu a diseña e imagen cu e muchanan a kleur pa ambos concurso “Stima Bo Mascota” 2021 y 2023. Tambe 3 representante di scol a bini pa ricibi un certificado di reconocemento pa e gran participacion na e concurso educativo na bienestar di nos mascotanan. Trupial kleuterschool a keda na prome luga cu 89 participante, Mon Plaisir kleuterschool y Rayo di Solo kleuterschool a comparti luga number 2 cu 71 participante cada uno.
E concurso tabatin e meta pa sigui conscientisa, specialmente nos chikitinnan, cu nan mascota merece bon cuido, hopi amor y tambe cu ta masha normal pa laga sterilisa bo mascota.
Alizéy Kock (5 aña, Rayo di Solo Kleuterschool), Amanda Maselis (5 aña, Agnes Kleuterschool), Ariana Sofia Alzate Palacio (6 aña, Rayo Di Solo Kleuterschool), Divina Rawlani (4 aña, Mon Plaisir Kleuterschool), Elyssé Lacle (4 aña, Scol Preparatorio Nos Paraiso), Emma Villanueva (3 aña, Trupial Kleuterschool), Felicity Padmonatpodo (6 aña, Trupial Kleuterschool), Liëndra Roga (5 aña, Rayo Di Solo Kleuterschool), Mia Mae Effio (4 aña, Princes Amalia Kleuterschool), Paulina Padilla-Bustillo (5 aña, Scol Preparatorio Nos Paraiso), Raimary Kock (5 aña, Scol Preparatorio Nos Paraiso), Richlaine Rijke (5 aña, Scol Preparatorio Nos Paraiso), Tiara Dijkhoff (4 aña, Scol Preparatorio Nos Paraiso), Vikély Lispier (5 aña, Trupial Kleuterschool), y Xiara Candanoza (4 aña, Scol Preparatorio Washington), ta e 15 ganadonan di e concurso di kleur pa kleuter y Emma, Divina, Paulina y Felicity ta e ganadonan absoluto pa nan categoria di edad.“Un pabien na tur e alumnonan”, Minister Endy Croes a finalisa.
DBB: Gobierno di Venezuela a core cu mayoria diplomatico Hulandes, y di otro paisnan Europeo
ORANJESTAD - Gobierno di Venezuela a tuma accion contra Representacion di paisnan Europeo na Venezuela entre otro Hulanda, Spaña, Italia, Reino Uni, Suisa y a limita embahadanan na 3 diplomatico. Asina oficina di relacion exterior di Aruba (DBB) a informa diamars atardi. Segun e informacion, embahador di Reino Hulandes y dos persona acredita so lo keda na traha na Embahada, hunto cu e staff local. Demas personal Hulandes lo mester sali di Venezuela dentro di 48 ora. Pues e accion ta solamente trata di reduci e personal diplomatico na e momentonan aki.
Gobernador a nombra formadornan Mike Eman y Gerlien Croes oficialmente
ORANJESTAD - Manera cu un rato prome, Noticiacla a bin cu e primicia cu e screening a keda cla y cu un ora pa otro lo tin noticia nobo riba e formacion di gobierno, e gabinete di Gobernador a informa algun rato despues cu a nombra formadornan Mike Eman y Gerlien Croes oficialmente. Nan tin te dia 18 di februari 2025 pa informa Gobernador bek cu nan conclusionan.
Por spera resultado di screening formador un ora pa otro
ORANJESTAD – Por spera e resultado di screening di formador un ora pa otro. Esaki debi cu esnan encarga cu e proceso no ta na Aruba, cu ta indicativo cu e proceso di screening di e formado ta cla. Como tal nos por spera un ora pa otro e publicacion di e resultado. Esey kier men tambe e ora cu tanto sra Gerlien Croes y sr Mike Eman lo mester presenta na Gobernador SE Boekhoudt cu na su turno lo presenta na nan e formatie-opdracht formalmente. E motibo cu awor mester a screen e personanan, ta debi cu conforme e ley, e formador ta haya informacion sensitivo personal di e candidatonan cu tin cu bira minister, y como tal, no ta ‘con cu ta’ ni ‘ken cu ta’ por anda cu e informacion aki. Pa loke ta e proceso di formacion mes, esaki a sigui cana, mas lento debi na e entierro di ex premier Henny Eman, pero e la cana si. Awor cu por tin dos formador oficialmente instala proximamente, por trata e parti tambe di escoho pa candidato di minister, cu na su turno tambe mester pasa un screening. Echo ta cu e screening ey ta mas pisa cu esun di formador y cu esaki por tuma mucho mas tempo cu a tuma pa esun di formador, cu a tuma algo mas di 2 siman.
AVP: E carera politico impresionante di Henny Eman
ORANJESTAD – Partido AVP diabierna a reparse e carera politico impresionante di Henny Eman (DFM).
Grupo di venezolano na Aruba a mustra sosten pa Edmundo Gonzalez
ORANJESTAD – Un grupo di algo mas di 100 Venezolano residencia na Aruba a mustra nan sosten diahuebs atardi pa Edmundo Gonzalez riba e plaza Bolivariana na Oranjestad y ta considere e presidente electo di e pais. Un dia prome cu e huramentacion presidencial tuma lugar na Venezuela, mundialmente tabatin protesta y sosten pa oposicion. Aki na Aruba esaki no tabata diferente. E grupo a bisa cu nan ta sigui cu Gonzalez y cu pa nan, e ta nan presidente.
Minister di Husticia di Hulanda ta bishita Aruba otro siman
ORANJESTAD - Minister David van Weel di Husticia y Siguridad ta realisa un bishita di trabou na Boneiru, Aruba y Corsou di 12 te cu 17 di januari 2025. E bishita tin como meta pa cera conoci y fortifica e cooperacion cu diferente partner hudicial i administrativo den e parti Caribense di Reino riba tereno di mantencion di ley i siguridad.
Follow NoticiaCla
