Trahadonan di Domesa a bay den accion pa tempo indefini

ORANJESTAD – Trahadonan di e compania cu ta e.o transporta placa y otro productonan di balor pa companianan, Domesa Aruba, a pone trabou abou dialuna mainta pa tempo indefini. Segun e presidente di e sindicato cu ta representa nan, FTA, Hose Figaroa, e problema den e caso aki tabata pago di overtime. E compania ta haci fastioso pa cumpli cu esaki. Y awa a pasa hariña e weekend aki ora cu e compania lo a dicidi di emplea dos persona, di cual uno lo ta illegal, pues sin permiso pa traha. E trahadonan ta considera esaki contra regla, y tambe riscante, pasobra ta anda cu placa y otro pertenencia di peso, sin cu tin e siguransa cu esaki ta keda maneha responsablemente. E trahadonan lo keda protesta te ora cu tin un solucion satisfactorio pa nan, segun e presidente di e sindicato.