Corte di arbitrahe pa deporte a rechasa apelacion di suspension di Comite Ruso Olimpico

LAUSANNE – E Corte di arbitrahe pa deporte, a rechasa e apelacion di e comite Ruso olimpico (ROC) contra un suspension imponi pa e comite internacional olimpico (IOC). E suspension a bin pasobra Rusia a tuma cuater lugar anexa na Ucrania como miembro. Segun IOC, Rusia ta viola e meta olimpico door di tuma e sindicatonan deportivo di Donetsk, Cherson, Loehansk y Zaporizja. E suspension ta pone cu ROC no ta haya ningun financiamento di IOC.  E suspension no tin consecuencia pa e participacion di atletanan individual Ruso na e olimpiada na Paris den verano proximo. IOC a dicidi na December ultimo cu atletanan Ruso y di Belarus, por participa bou di un bandera neutral, basta nan no ta alia na e armada of departamento di inteligencia. Ekiponan Ruso y Belarus no por participa na Francia.