Stephanie Pietersz y Julissa Ras escohi pa participa na Young Leaders of the Americas Initiative (YLAI) Fellowship Program

ORANJESTAD – Dos Arubiano ( y uno di Corsou) hoben a keda selecciona pa e asina yama “U.S. Mission to the Dutch Caribbean”pa participa na e State’s Young Leaders of the Americas Initiative (YLAI) Fellowship Program di e aña aki. Ta trata di Stephanie Pietersz y Julissa Ras ( y Juan Gabriel Vicario pa Corsou). Nan ta biaha otro luna pa Merca pa 5 siman pa ‘fortifica nan abilidad di liderazgo y emprendimento atrabes di experiencia practica, cursos online y capacitacion presencial. 

E programa a keda lansa na 2015 pa entrepenuers y lidernan den comercio di e hemisferio occidental. E beca ta fomenta relacionan comercial entre entrepeneurs na Merca y esnan di Latino America, Caribe y Canada.  Julissa ta doño di su propio negoshi Paper Sisters na Aruba y ta enfoca riba artículos di papeleria exclusivo y di impecable calidad. Stephanie ta traha den e sector di energia y medio ambiente y ta doño di Stezo Electric Solutions cu ta ofrece forma alternativa di transporte, manera bicicleta electrico cu e mision pa haci e comunidad mas saludable y cu zero emision. E programa ta patrosina pa U.S. Department of State cu fondo di Gobierno Mericano.