A detene ex director suplente di Arubahuis den caso Tulipan

ORANJESTAD – Ministerio Publico diaranson merdia a confirma cu den un investigacion di Landsrecherche e homber cu inicialnan G.Y. Lin. a keda deteni ayera. E tabata ex director suplente di Arubahuis, tempo cu Guilfred Besaril tabata Minister Plenipotenciario.  E investigacion aki di Landsrecherche, bao nomber di Tulipan, ta dirigi riba iregularidadnan cu a tuma lugar na Arubahuis den e periodo di 2018 te cu 2021.  E investigacion ta andando y segun Ministerio Publico, mas detencion no ta wordo exclui.