Na Corsou, 2 negoshi a haya multa di 15 mil florin di Aqualectra pa hortamento di coriente

WILLEMSTAD - Aqualectra a kuminsá aktua i parti but p’esnan ku ta hòrta sea awa òf koriente. Di akuerdo ku Aqualectra, despues di un periodo di dispensashon di 2 luna, kual a finalisá riba 31 di òktober, e tim di kontròl a dal paso firme pa enfrentá iregularidat na e ret di distribushon di Aqualectra i tambe uso ilegal di awa i/òf koriente. Entre 1 di novèmber 2023 te ku awor ya a kontrolá mas ku 308 negoshi, tienda i bibienda i for di esakinan 6 negoshi komersial i 54 residensia a haña but. E butnan den situashonnan kaminda konstatá iregularidat por yega te na 20.000 florin. E butnan mas haltu ku a kai e periodo aki tabata 15.000 florin na un negoshi na Rooseveltweg i 15.000 florin na un negoshi situá na Santa Rosaweg. Personanan ku ta krea iregularidat den e ret di awa i koriente dor di manipulá instalashonnan òf dor di kambia òf kita parti di e ret di awa i/ òf koriente ilegalmente, ta kousa hopi pèrdida di entrada pa Aqualectra. Konsekuentemente, iregularidat den e ret ta krea hopi gastu adishonal pa komunidat. Aktualmente komunidatkumplidó ta karga e gastunan di iregularidat kousá p a terseronan den e ret di distribushon di awa i koriente. Ademas , na momentu ku terseronan manipuláeret di distribushon, nan por kousa situashonnan fèr felu i disturbio pa e área kaminda nan ta kita por ehèmpel kabel òf pipa di awa. Pa kontrarestá esaki, e tim di kontròl ta sigui ku su trabounan pa detektá i para iregularidat den e ret di distribushon di awa i koriente. E tim di kontròl ta konsistí di Aqualectra, KPC i OM. Na momentu ku konstatá situashonnan ilegal na bibienda, negoshi òf otro lokalidat, e habitante òf doño di negoshi por konta ku butnan haltu ku por yega te na 20.000 florin, pago di gastunan pa korekshon di e instalashonnan, posibel denunsia i publikashon den media di e akshonnan ku a tuma lugá. E personanan aki tambe mester tene kuenta ku banda di e but, nan mester paga pa e gastunan di uso no registrá di koriente i òf awa ku ta mará na e periodo ku e iregularidat tabata tuma lugá i kualke debe bieu. NOTA: E texto ta scirbi den Papiamento fonetico di Corsou.