Guyana kier bira centro di suministro di cuminda pa Aruba

GEORGETOWN – Guyana kier bira e centro di suministro de cuminda pa Arubaosea un hub di alimentacion pa nos isla. Esey ta e intencion di e presidente di e pais Irfaan Ali. “ Nos ta negociando un Memorandum of Understanding cu Aruba den con Guyana por bira e hub di suministracion di cuminda pa Aruba” e presidente a cuminsa bisa. “Unabez cu esaki ta exitoso, nos por bay otro paisnan tambe” Ali a anuncia diasbara. E la splica cu (manera ta conoci) Aruba ta importa mayoria di su cuminda. Y como tal Guyana ta kere cu Aruba ta un bon mercado pa e productonan Guyanes. E ta e lidera e agenda di seguridad di cuminda di CARICOM, y kier añadi Aruba como un di e paisnan na cual e ta suministra cuminda. E presidente a declara tur esaki durante e ceremonia di servicio di e facilidad marino nobo na Nimes, Guyana. 

FERRY

Tambe e presidente a duna un indicacion chikito cu e gobierno ta considerando un servicio di Ferry entre Guyana y Aruba.