Desi Bouterse mester raporta na prizon di Surnam diabierna awor

PARAMARIBO – Ex lider Surnameño Desi Bouterse mester raporta na prizon di Surnam diabierna awor. Asina e portal di Surnam Starnieuws ta raporta diahuebs, y nan ta cita como nan fuente, Ministerio Publico. E carta di OM a bay pa 5 di e personanan condena, entre nan Bouterse.  Ayera a bira conoci cu OM di Surnam a rechasa un peticion pa para e veredicto of tarda esaki. Esey ta habri caminda pa e encarcelacion. Bouterse a wordo haya responsabel pa e mortonan di December di 1982 unda cu un cantidad di ciudadano a wordo asesina ora cu e tabata na mando.