Curpa di persona haya na Matividiri ta un persona masculino trahado di CEA

ORANJESTAD – Un dia despues cu a haya e curpa sin bida banda di caminda na Matividiri diadomingo ultimo, polis dialuna riba Pasco, a logra identifica e curpa. Ta trata di e homber Sergio Maduro di 44 aña. Ainda no a saca afo si ta trata di un caso di asesinato, un morto natural of un otro tipo di accidente. Loke cu noticiacla a logra saca afo ta cu e persona aki tabata traha na Cuerpo Especial Arubano, y tabata un persona hopi trankil, y tabata traha frecuentemente na e post di Directie Luchtvaart y algun biaha na Warda di Polis na Balashi. Un persona di curpa chikito, delega, y cu no ta conoci di ta un persona problematico.

A compronde cu na CEA, mientras cu a confirma cu ta trata di un di e coleganan cu a wordo haya, e departamento mes no a bisa nada, mirando cu tin un investigacion andando ainda. Por a compronde cu tur cos ta indica cu ta un caso di asesinato, aunke cu polis oficialmente mester confirma esaki ainda.