Accidente cu tres auto riba Watty Vos Boulevard a causa caos den trafico

ORANJESTAD – Un accidente cu tres auto riba Watty Vos Boulevard a causa un stagnacion tremendo dialuna den careda di merdia. Tres auto a ‘topa’ otro ora cu un di nan a haya un flat tire. Pero e chauffeur no a logra domina e auto y a causa un accidente unda cu 2 persona a keda herida y mester a haya asistencia. E accidente mes a tuma lugar riba e boulevard na altura di e rotonde di Cumana yegando esun conoci como e rotonde paperclip. E problema tabata cu e accidente a tuma lugar na un momento cu tabata yegando ‘spitsuur’ osea ora crucial di merdia, causando un caos total. Polis mester a dirigi trafico pa por a alivia e situacion un poco. Ora cu e accidente a tuma lugar, tabatin auto cu no tabata sa unda pa bay cu a causa parti di e caos.