Na Corsou, doñonan di botica ta hopi rabia y por drenta den accion

WILLEMSTAD - Botikarionan/doñonan di botika ta hopi rabiá ku nan no a haña atenshon di gobièrnu pa nan gritu. P’esei no por deskartá e posibilidat ku un ora pa otro botikanan por kanta akshon, segun nos a komprondé.

A papia ku sr. Jonathan Middelhof di e asosashon di botikanan, kende a indiká ku nan asosashon no tin nada planiá. Pero si e sa ku doñonan di botika ta hopi rabiá mes p’e situashon. Mas ainda pasobra nan no a haña atenshon di gobièrnu pa nan gritu. Esaki nan ta konsiderá un falta di rèspèt total di parti gobièrnu pa ku e sektor aki.

E siman aki a habri ku e asosashon di doñonan di botika VAE ku ta preokupá ku e sektor di botika den 2023 i ke sa si tin perspektiva. VAE a bai bèk riba e kambionan ku a kuminsá for di 2001, na momentu ku a introdusí e areglo di resèpt RRV por bisa ku esaki no a keda revisá ni adaptá miéntras ku a ehekutá diferente bahada den gastunan den e maneho di kuido serka SVB pa e poblashon di Kòrsou i konsekuentemente el a nifiká pa e entrada di e sektor di botika. Den último 10 aña a hasi promesanan for di gobièrnu pa oumentá e areglo di resèpt, pero esaki no a keda adaptá. E falta di adaptashon aki ta pone botikanan den situashon fèrfelu. NOTA: Texto scirbi den Papiamento fonetico di Corsou.