AFBA preocupa cu escases di trahado di F&B na Aruba

AFBA preocupa cu escases di trahado di F&B na Aruba

Posted on 11/20/2023 9:31 am AST | Updated on 11/20/2023 9:37 am AST

ORANJESTAD – E asosacion di alimento y bebida di Aruba AFBA, a ranca e bel di emergencia dialuna pa e situacion di escases di empleo den e sector mnenciona. Segun e asosacion, pa basta tempo caba e sector di Alimento y Bebida mediante, Aruba Food and Beverage Association (AFBA), a drenta den conversacion cu diferente instancia y gobernante pa por yega na un solucion na e problema reinante den nos industria. 

FALTA DI PERSONAL

Pa hopi ta conocí cu na Aruba actualmente tin falta di personal of personal califica pa cierto puestonan di trabow den nos industria cua ta hasi difícil pa por opera of pa duna e mínimo calidad di servicio. “ Nos di AFBA tin riba nos websitewww.arubafoodandverage.com posicionnan disponibel pa basta tempo caba y cu practicamente no ta hanja persona interesa of cu lo kier traha den Horeca, unda lo mester traha oranan nocturno o dianan extendi den weekend”, e asosacion ta bisa. 

PROYECTO PILOTO 

AFBA a logra e aña aki hunto cu Openbare Avondleergangen Aruba (OAA) pa cuminsa cu un proyecto piloto pa encamina 17 studiante pa studia y drenta den e mundo laboral den nos industria. Pero esaki ta just e comienzo cu no ta resolve e problema actual di trabow disponibel. A la vez AFBA a bin cu e Job Fair na luna di Juni pa percura pa e comunidad Arubano por conoce e companianan cu ta ofrece oportunidad pa nos hobenan den e mundo laboral. Aunkue AFBA ta kere den e iniciativa aki y lo continua cu esaki na 2024, por bisa cu e situacion a suaviza un poco na e momento ei, pero no a logra ocupa tur posicion laboral disponibel. 

APERTURA MAS HOTEL

AFBA ta mira cu preocupacion e desaroyo di apertura proximo di diferente hotel cu lo ofrece mas puesto di trabow na un poblacion cu ya caba ta ocupa. “ Na e momento aki Aruba ta drentando den su temporada halto y nos miembronan ta confronta ya caba e falta di personal pa atende e publico internacional y local cu un standard halto manera cu nan ta costumbra of cu ta spera di nan negoshi.  Segun mayoria di nos miembronan ta hanja cu un di e gran obstaculo ta e proceso di solicitud di permiso pa trabow pa persona califica cu ta na isla pero nan no tin un permiso valido pa trabow” e asosacion ta sigui bisa. Pa complica e situacion un poco mas, actualmente por hanja cita na DPL te cu luna di Februari 2024, y esei ta solamente pa duna e cita, mientras cu proceso di solicitud lo mester warda 4 of mas luna pa por haya informacion of aprobacion.

EMPLEADONAN FRUSTRA CU OVERTIME

“Nos ta confrontando cu empleadonan actual a cuminsa frustra ya cu nan por sinti nan mes overbelast cu trabow. Nos a sinta na mesa cu diferente instacianan pa mira con nos por jega na un mecanismo o formato cu por hasi cu e proceso di solicitud di permiso pa empleado por cana un caminda mas fácil y mas cortico”. A ser promete na AFBA solucionnan cu ainda no a materializa forzando emiembronan pa tuma decision, di pronto drastico, manera recorta ora di funcionamiento.

PETICION PA AYUDO!

E Asociacion ta preocupa ya cu e ta parti di e experiencia cu cada turista cu ta bishita Aruba ta spera ora e bin nos isla, y nan lo kier duna un bon servicio, calidad di cuminda y atención, pero si nan sigui cu e problema lo hasi esakinan imposibel.

“Nos kier eleva nos petishion un bez mas na tur instancia pa nos por sinta hunto y yega pronto na un sistema pa nos soluciona e problema existente y logra e permisonan di un forma facil, menos tempo y na tempo” nan ta finalisa bisando.

  • Powered by SETAR