Prinsesa Beatrix ta yega Aruba awe atrobe despues di 6 aña

ORANJESTAD – Despues di 6 aña, Prinsesa Beatrix ta bolbe Aruba awe diahuebs mainta. E ta yega algo despues di 10’or for di Corsou pa un bishita cortico di un dia, den cuadro di trabounan di Dutch Caribbean Nature Alliance (DCNA). E lo bishita entre otro e speeltuin Neftali Henriquez, Kindertelefoon y e mangrove di Spaans Lagoen. Dialuna e la cuminsa su bishita den e region aki, aterisando na Corsou. Diabierna e prinsesa ta atende un conferencia di DCNA y despues ta biaha bek pa Hulanda. 

JANTJE BETON

Na e speeltuin, e ta bay tende mas di e trabou di Jantje Beton, e organisacion di cual e prinsesa ta e dama protectora. E fundacion ta realisa speeltuin den mas parti di Caribe. Den cuadro di 25 aña di Telefon pa Hubentud otro aña e princesa ta bishita nan tambe. Y e prinsesa lo cana den Spaans Lagoen pa admira e area protehi pa naturalesa pa mira e mangrove. Aki e lo tende di e interes di e matanan y e koraal rif su restauracion y biodiversidad.

ULTIMO BISHITA

Tabata na April 2017 cu prinsesa Beatrix tabata na Aruba ultimo biaha.