Ruman muher grandi di Betico Croes, ‘Tia’ Ada a bay sosega

ORANJESTAD – E ruman muher grandi di e estadista y politico  Betico Croes (DFM), Carmelita Arcadia Croes-Croes, miho conoci como ‘tanta Ada’, a bay sosega diaranson na e bunita edad di 87 aña. Mientras cu e tabata sufri di e malesa di Parkingsons, segun familiarnan a conta Noticiacla, e curazon a cansa y Dios a dicidi di tum’e den su reino. Sra Ada, un persona cu semper tabatin un sonrisa riba su cara, ta laga atras su casa Maiky, yiunan Maikito, Franklin, y Aldrich. Mester bisa cu sra Ada tabata mama tambe di e conocido musico Hilduard cu a fayece algun aña pasa, y ta tanta di nos actual prome minister Evelyn Wever Croes. Siendo ruman di Betico Croes, por compronde cu sra Ada tabata forma parti di un famia grandi y fuera di esnan cu a keda menciona awor, tin mas persona cu tambe ta conoci den comunidad, relaciona na sra Ada. Noticiacla ta manda palabra di forza na famia di sra Ada. Cu ‘tanta’ Ada sosega na paz.