Corte: Postkantoor no mester aumenta salario automatico mas di trahadonan

ORANJESTAD – Postkantoor no mester sigui paga su trahadonan un aumento di salario automatico mas. Asina huez a dicta den un sentencia diaranson contra e sindicato SEPPA. Postkantoor a hiba e sindicato corte pa haya un huez pa legalmente para e pago aki cu tabata tumando lugar basta aña, conforme un CAO bieu, pero cu a wordo para pa Postkantoor, debi na nan situacion financiero precario. Huez a duna Postkantoor razon y ta nifica cu, excepcion pa e trahadonan cu ta den un caso separa individual riba e tema, e no mester sigui paga e aumento automatic annual cada januari di aña. 

BANCAROTA

AKIe documentonan di Corte, Postkantoor ta un compania bancarota pa varios aña caba, y cu ta wordo teni na bida door di subsidio di gobierno di Aruba. Y mirando e situacion precario cu Postkantoor ta den pa varios aña a dicidi cu ta stop e pago. Algo cu e sindicato a protesta contra. SEPPA, segun documento di corte, ta usa un CAO bieu di 2010 cu a vence na 2013. Asina mes Postkantoor a sigui paga e aumento salarial automatico di 105 florin pa aña, te cu 2020. Pero na januari 2021, esaki no tabata posibel mas y a para esaki. Un grupo di trahado a hiba Postkantoor Corte pa esaki y e caso aki ainda ta andando. Postkantoor a dicidi cu entrante 1 di januari 2022 ta para e pago aki. Awe corte a duna Postkantoor razon, y a para e pago manera cu Postkantoor a informa e tempo ey. Por lesa e sentencia AKI.