Secretario di estado hospitalisa na Aruba despues di shuatamento serio

ORANJESTAD – Secretario di estado Hulandes Eric van den Burg di Husticia a cancela su biahe pa Corsou y Bonaire despues cu e la shuata na Aruba diadomingo. Su vocero a confirma diaranson mainta pa Noticiacla cu diadomingo ora cu e la come algo e la bira malo y a bay hospital pa haci algun test unda cu e la keda un anochi pa observacion. “Ta trata di un shuatamento serio” e vocero a sigui bisa. “Dialuna e la sali di hospital caba”. 

Van den Burg a yega Aruba den fin di siman pa cuminsa un bishita di dos dia pa despues sigui pa e otro dos islanan, unda cu mester a trata e maneho di migracion, traficacion di hende y maneho di frontera riba e islanan.