Medio Mericano: Fuente den KPA ta bisa cu polis na Aruba ta bergonsa pa confesion di vd Sloot

ORANJESTAD – Citando un fuente den cuerpo policial di Aruba, un medio di Merca ta sigura cu ‘polis di Aruba ta bergonsa pa e confesion di asesinato di Joran vd Sloot’. “Nos a wordo engaña pa un teenager. E no ta laga nos mustra mucho bon’ e fuente aki ta sigui bisa. ‘E ta un berguensa’. E noticia ta relata na e declaracion di siman pasa diaranson ora cu vd Sloot a confensa dilanti huez federal cu e mes a mata Natalee Holloway na 2005 despues cu Holloway a nenga su avancenan sexual. E medio ‘The Messenger’, no ta bisa obviamente ken e fuente aki ta y noticiacla no por a verifica esaki tampoco. Hecho ta cu e noticia ta publica y ta pone e cuerpo di polis mustra malo.