Partido politico di Gerlien Croes lo ta uno progresivo liberal

ORANJESTAD – Despues di a separa di partido poltico berde AVP na mei ultimo, diahuebs anochi Parlamentario independiente Gerlien Croes contestando pregunta di e periodista Tito Laclé, a admiti cu e ta inclinando pa formalisa oficialmente  su organisacion politico nobo cu e tin pensa di lanta proximamente. Ademas e ta pensa di hibe den un direccion progresivo liberal, manteniendo su mes na norma y balornan cu ta necesario pa tin den un pais. Mas specifico y e ta kere cu den cierto area lo ta mas progresivo y liberal cu otro, pero semper manteniendo e normanan y balor necesario. Asina e parlamentario independiente a bisa diahuebs anochi den e programa Noticiacla LIVE cu Tito Laclé. E partido ainda no ta formalisa y e ta den e proceso pa haci esaki. Combersacionan ta tumando lugar cu varios persona potencial pa bira miembro di e organisacion aki y eventualmente subi e lista. Oficialmente Croes ta papia di ta ‘inclina’ pa ‘formalisa oficialmente un organisacion politico nobo’, cu ta nifica cu e la dicidi cu e ta bay pa lanta su propio partido. Wak e pida aki di e programa AKI.