Van der Sloot a confesa asesinato di Natalee Holloway tambe

BIRMINGHAM – Fuera di admiti culpabilidad di extorciona famia Holloway riba e desaparicion di e yiu muher Natalee na 2005, e la admiti cu e la asesina e Mericano na 2005 y deshaci di su curpa. Anteriormente Noticiacla a raporta cu van der Sloot a admiti solamente culpabilidad di extorsion. Pero despues a resulta cu e confesion tabata mas amplio, unda cu e la confesa tambe di a asesina Natalee Holloway, segun prensa mericano ta raporta awor, citando documentonan di Corte.  Huez Anna Manasco a considera van der Sloot como un asesino. “Mi a considera e declaracionan riba extorsion pero tambe bo confesion di e asesinato brutal riba Natalee Holloway” Manasco a bisa. Documentonan di corte lo demonstra e detayes di e confesion di van der Sloot su asesinato di e yiu Natalee. "Bo a asesina dos muher bunita den dos incidente separa pa añanan, cu a nenga di tene relacion sexual cu bo" e huez a sigui bisa awe mainta. 

CASTIGO

Huez a sigui pa sentencia van der Sloot na 20 aña di prizon, cu e por sinta simultaneamente cu e ta sintando e castigo di prizon pa e asesinato di Stephany Flores na Peru. Esey kier men cu e no mester bay prizon mas ora cu e caba sinta e castigo actual. Ta solamente si e Sali liber mas prome, e tin cu bolbe Merca pa caba sinta e castigo di extorsion na Merca. Huez den e caso aki, aunke cu van der Sloot a confesa e asesinato, no a sentencie pa esey. No ta conoci kico autoridad di Aruba lo haci awor cu Joran vd Sloot a confesa e ase