Huez ta dicidi riba deal cu Joran vd Sloot na Merca otro siman

BIRMINGHAM - Joran van der Sloot lo aparece den corte na Merca diaranson awor pa 9’or y mei di mainta, unda cu huez lo determina si e ta acepta e acuerdo cu e la cera cu Fiscal Mericano den e caso di extorcion contra famia Holloway. Documentonan di corte di Alabama registra diabierna a mustra cu van der Sloot a bay di acuerdo pa admiti culpabilidad y cu esaki e por haya un sentencia reduci si huez acepta esaki. Prome cu a traha e deal aki, vd Sloot mester a pasa un prueba di mentira (lie detector test) pa verifica e veracidad di dje. Y esaki e la pasa tambe segun informacion ricibi. E ora ey fiscal a dicidi di continua cu e deal. Awor ta keda na e huez pa acepta e deal, y e ora pa dicta sentencia mesora. Esey lo evita un caso largo cu hurado, cu lo mester a tuma lugar na december proximo. Unabez huez dicta sentencia, por tin apelacion y si esey no tuma lugar, vd Sloot lo tin cu bolbe Peru mesora pa sigui sinta su castigo di prizon pa asesinato di e dama Peruana Stephanie Flores.