Polis a detene sospechoso di grafiti riba rotonde cu driekiel ariba

ORANJESTAD - Polis a detene e sospechoso di grafiti riba e muraya di rotonde cu tin e driekiel ariba. Diabierna 29 september den oranan di madruga un patruya di polis tabata na altura di Amsterdam Manor. Yegando serca na e retonde e patruya di polis a ripara cu desconocinan a haci graffiti riba e muraya na unda recien a pone e monumento di turtuga. Ta asina cu polis di biaha a informa central di polis. Na su turno central di polis tuma contacto cu esnan encarga cu e monumento encuestion. 

Recherche a wordo poni na altura y na unda a cuminsa di biaha cu un investigacion.

Ta asina cu diamars 10 oktober recherche a detene e homber N.A.I.M. 27 aña y nacionalidad hulandes relaciona cu e caso di destruccion. No ta descarta cu lo por tin mas detencion relaciona cu e caso aki.

Un biaha mas polis ta haci un apelacion pa esnan cu sa algo of a wak algo yama e tiplijn di polis cu ta 11141